How good you wen read all Da Place Fo Watch From dis year? See if you can ansa dese questions:

Wat exampo Jehovah set in how fo treat wahines?

He treat dem same same, he no like guys moa den wahines. Jehovah lissen to wahines, an he kea about how dey feel an da problems dey get. An he trus dem fo do his work.​—w24.01, pp. 15-16.

How we can do wat Fo Da Efesus Peopo 5:7 tell, fo “No go hang out wit dat kine peopo”?

Da aposal Paul wen warn us fo no hang out wit guys dat make um moa hard fo live da way Jehovah like. Dose kine guys can be peopo we hang out wit in person or on social media.​—w24.03, pp. 22-23.

Wat bulai kine stuff we gotta watch out fo?

We gotta watch out wen frenz share someting wit us dat dey tink iz good but dey neva wen check if wuz tru, emails from peopo we donno, an apostates who make like dey like learn about da Bible.​—w24.04, p. 12.

Wat we kno an wat we donno about how Jehovah goin judge King Solomon, an da guys who wen mahke in Sodom an Gomorrah an in da Flood?

We donno fo shua if Jehovah had choose dem fo be dead foeva. But we do kno dat he kno eryting an he get plenny pity.​—w24.05, pp. 3-4.

Cuz God jalike “one big stone,” wat dat help us kno fo shua? (Rules 32:4)

Jehovah iz one safe place fo us go. He loyal an always goin be dea fo make his promises come tru. An he solid, who he stay an da tings he like make happen neva change.​—w24.06, pp. 26-28.

Wat can help you fo be in one new local hui?

Trus in Jehovah, who can help you like he wen help his peopo in da pas. No compare yoa new hui wit da old one. Get busy in yoa new hui an try fo make new frenz.​—w24.07, pp. 26-28.

Wat lessons we learn in da three stories in Matthew chapta 25?

Da story of da sheeps an goats bring out how fo be faitful an loyal. Da story of da smart an stupid girls show how importan stay fo be ready an wait. An da story of da bags money show dat we gotta work hard an wait.​—w24.09, pp. 20-24.

How tall wuz da porch of Solomon’s temple?

In 2 Chronicles 3:4, some real old writings say “120 cubits,” dat mean da porch wuz 175 feet high. But odda old copies we trus tell “20 cubits,” making um 30 feet tall. An dat one match betta wit da thickness of da temple walls.​—w24.10, p. 31.

Wat mean fo one helpa guy be “tight wit dea one wife”? (1 Tim 3:12)

It mean dat he marry ony one wahine an no should fool aroun wit anybody he no stay married to. An he should neva give odda wahines romantic kine attention.​—w24.11, p. 19.

How come we can say dat John 6:53 no wuz one exampo fo da Lord’s Evening Meal?

John 6:53 talk about how dey had fo eat Jesus body an drink his blood. Jesus wen tell dis in Galilee in 32 C.E. to da Jews who still yet wen need fo put fait in him. But da Lord’s Evening Meal wen start one year layta in Jerusalem. Dass wen Jesus wen talk to his guys who wuz goin rule wit him in heaven.​—w24.12, pp. 10-11.