Read um Daniel 9:1-19 fo see how deep study goin help you.

Look wat stay goin on. Wat stuff wen jus happen, an how dat wen affeck Daniel? (Dan 5:29–6:5) How you would feel if you wuz Daniel?

Dig moa deep. Wat “books bout God” Daniel maybe wen look at? (Dan 9:2; w11-E 1/1 22 ¶2) Why Daniel wen tell dat him an da Israel peopo wen sin? (Pries 26:39-42; 1 Ki 8:46-50; dp-E 182-184) How Daniel’s praya wen show he wen study God’s Word real good?​—Dan 9:11-13.

Tink about da tings you wen learn. Ask yoaself:

• “How I can make shua fo no get distracted by wat goin on in da world?” (Mic 7:7)

• “Like Daniel, how studying God’s Word real good goin help me?” (w04-E 8/1 12 ¶17)

• “Wat tings I can study fo myself dat goin help me fo “watch out?” (Mat 24:42, 44; w12-E 8/15 5 ¶7-8)