1. Jehovah you show love,

You wen tell you stay wit us.

Please give us yoa spesho spirit

So can copy all yoa ways.

We trus yoa ony Boy

Who wen stick real tight wit you.

God, you oua fren das cuz of him,

We stay all pono wit you.

2. Yoa spirit help us learn

All da treshas from yoa Word.

All da problems an da presha,

Come moa light becuz of you.

You show wea we can go,

Wea we no goin hurt no moa.

We like aks you fo yoa spirit,

Fo help us get thru da end.

3. We know wat comin soon,

Dass yoa go-va-ment on eart.

We one hui, one ohana

We go stick tight togedda.

Yoa go-va-ment goin end

All da wars an all oua pain.

Dose who lissen stay good inside

Cuz we all pono wit you.