1. Ho Jehovah, you stay so good!

Cuz you bless us eryday.

You so awesome, an you loyal,

You so good, dass how you stay.

You fogive us, wen we mess up,

Plenny times you let us go.

We like go all out fo serve you,

Fo show you oua mahalo.

2. You stay so good dat you shine bright,

An yoa peopo show dat light.

You can see how dey live dea life,

Cuz dey try fo do wass right.

We go preach um, we go teach um,

We tell good tings all ova.

Please give us yoa spesho spirit,

So can give oua aloha.

3. Bless da good tings dat we doing,

No matta stay big o small.

Give oua braddahs choke aloha,

Dat goin bring us togedda.

In da hui, da ohana,

An wea eva we stay from,

Wit yoa help an wit yoa spirit,

We goin be good an show love.