SONG 124
Stay Close
-
1. We go stay close to Jehovah,
Give Him love an aloha.
We stay loyal az His peopo,
We goin do wat He tell us.
He da One show us da bes way,
So we lissen wat He say.
He stay loyal, we can trus Him.
Go stay tight wit Him always.
-
2. We go stay close to oua braddahs,
Wen dey need help we right dea.
Thru da good times an da bad times,
We go show dem dat we kea.
Show respeck to all oua braddahs,
An go love dem from oua heart.
Always loyal, close togedda,
Notting goin break us apart.
-
3. We go stay close to da hui,
Wen oua braddahs show da way.
Cuz dey help us from da Bible,
We go lissen wat dey say.
Den fo shua oua God goin bless us,
He goin give us wat we need.
Wen we stay close an we trus Him,
He goin take kea eryting.
(See also Songs 149:1; 1 Tim 2:8; Heb 13:17.)