1. Cuz God get aloha,

He wen help us thru His Boy.

He da one dat cut us guys loose

From da bad tings dat we do.

If we stay fo real kine sorry,

We goin change all of oua ways.

Cuz of wat Jesus did fo us,

God wen hemo all oua shame.

2. We like be jalike God,

Showin love to eryone.

Wen oddas tell dat dey sorry,

Let um go an give dem chance.

Mo betta make nice each odda,

No need count wen dey jam up.

No stay salty wit oua braddas,

We goin win wit real kine love.

3. Try tink of all da times

You had jam up supa bad.

An how God, He wen let you go,

All dose times He give you chance.

God show pity an aloha,

We go make da same like Him.

Den we can let odda guys go,

He goin wipe clean ou-a sin.