SONG 135
Jehovah Aks Nice Kine: Be Akamai Young Braddahs an Sistahs
-
1. Young braddahs an sistahs
Please show your love fo me.
Sho all in dis world dat
You like be on my side.
Choke love an aloha
You give me from your heart.
You give all you get fo
Make me happy inside.
(CHORUS)
Be akamai, an make me happy.
Your love I neva goin foget.
I see all da tings you do fo me,
You do um out of aloha.
-
2. No sked, give one “chee-hou”
Wen you stay go all out.
I right by your side so
No need fo pressha out.
Wen life come real hard
I goin show you wea fo go.
I get yoa right hand
Neva goin let um go.
(CHORUS)
Be akamai, an make me happy.
Your love I neva goin foget.
I see all da tings you do fo me,
You do um out of aloha.
(See also Da Rules 6:5; Eccl. 11:9; Isa. 41:13.)