1. Jesus show love an aloha,

So real an had come from da heart.

He wen kea fo all us,

His words we can trus,

He wen all out fo show his love.

He wen help da sick, deaf an blind,

Hemo all da sick from dese guys.

Wen he hear people yell out, “Try help me!”

He always wen show he ready.

2. We go copy all of his ways,

In da tings we do eryday.

Show aloha an love,

To all erywea,

An go help dem fo learn God’s way.

We take kea oua frenz who need help,

Show love in wat we do an tell.

Wen we hear peopo yell out, “Try help me!”

No hold back an say, “I ready!”