1. Jehovah, oua Faddah in heaven,

We know dis da mos spesho night!

An from long time ago, you was ready fo show

How much love you get fo yoa guys.

Da Passova sheep free yoa peopo,

Had save an proteck all yoa guys.

Layta on Christ wen give his own life fo us live,

Now we get chance fo live da real life.

2. Da bread an da wine help us fo see,

How much you wen pay fo all us.

Was da stronges kine love,

You wen show thru yoa Son,

He wanted fo give up his life.

We always goin be supa tankful

An tink good bout wat you wen give.

Jesus had pay da price,

Fo us get da real life.

Cuz of him we stay cut loose from sin.

 3. We all come togedda hea fo you.

Dass wat Jesus tell us fo do.

Fo rememba yoa love,

An da gif you give us,

Mahalos fo wat you wen do.

Dis night show how you stay so awesome,

An make oua love fo you moa deep.

We go copy da way yoa Son ack eryday,

Den da unreal life we all goin see.