SONG 23
Jehovah Start Fo Rule
-
1. God’s Go-va-ment in da sky
Goin rule ova all us guys.
Jesus da King, he stay oua Ali’i.
So we go sing um real loud,
Yell ma-ha-los to oua God.
Christ get da right,
God wen pick him fo be oua king.
(CHORUS)
How life goin be wit God’s Go-va-ment?
One cherreh life dat no goin end.
Wat else goin get wit God’s Go-va-ment?
We all pono an res inside.
Sing mahalo to Jehovah,
We happy fo be his guys.
-
2. Christ get da powa fo rule,
An dis ol world goin end soon.
Satan’s lepo world goin come all wipe out.
Now tell da good tings an preach.
Get choke guys we need fo teach.
Try come an find
da guys who love Jehovah too.
(CHORUS)
How life goin be wit God’s Go-va-ment?
One cherreh life dat no goin end.
Wat else goin get wit God’s Go-va-ment?
We all pono an res inside.
Sing mahalo to Jehovah,
We happy fo be his guys.
-
3. No moa one moa betta King,
No moa nobody like him.
God pick da bes guy fo rule ova us.
Show respeck fo who God choose,
He da one who cut us loose.
Jesus goin make
shua fo take kea of evrytin.
(CHORUS)
How life goin be wit God’s Go-va-ment?
One cherreh life dat no goin end.
Wat else goin get wit God’s Go-va-ment?
We all pono an res inside.
Sing mahalo to Jehovah,
We happy fo be his guys.
(See also 2 Sam. 7:22; Dan. 2:44; Jesus Show. 7:15.)
