1. Da way I stay inside my heart,

Da stuff dat ony you can see,

I like um be all good wit you,

Cuz dat goin make you stay happy.

Wen stress stay comin lef an right,

An no can close my eyes nite time,

Dass wen I gotta tink bout you.

Kokua me fo win da fight.

2. Wateva tings stay good an true,

Wateva get respeck fo you,

Wateva da bestes kine stuff,

Dese tings az wat make me pono.

Da awesome tings I get fo read,

Dey all make me come jalike you.

Help me tink bout you erytime,

Fo come moa strong an res inside.