1. Hele on, hele on, fo come strong inside!

Wit da way dat you ack show

da trut stay shining bright.

Get betta wen you preach, an try get um right.

Trus in God fo make um good.

We get chance fo do work fo oua God.

We go preach like Jesus an show love.

God He goin back us up, so dat we no stop.

Go all out fo do wass right.

2. Hele on, hele on, no be sked fo preach!

We go share good kine tings,

from da mountains to da beach.

No hold back, still get peopo we need fo reach,

Tell good tings bout Jehovah.

Goin get guys who like make us come sked,

But no stop, we go preach erywea.

Tell dat God’s Govament already stay hea.

Go share da trut all ova.

 3. Hele on, hele on, an no miss one beat.

We go learn moa an moa

an dat goin help us fo teach.

Let God’s spirit help us fo go talk story.

Dis kine work make us happy.

Show real love to da peopo we find,

So go back fo reach dea pu’uwai,

Cuz da Bible can change dea life fo real kine.

Let da trut shine supa bright.