SONG 71
We Stay Jehovah’s Army!
-
1. We stay Jehovah’s army,
Unda his Boy, Christ
Wen Satan Stay agains us,
God help us no kill fight.
We no give up fo tell all
Good stuff hea an dea.
We stand strong on oua feet.
We no need be sked!
(CHORUS)
We stay Jehovah’s army;
Wit his Son we stand.
Shout out, “We stay happy
Fo God’s Govament!”
-
2. We stay Jehovah’s peopo,
His sheep we like find,
All who stay lost an out dea,
All who bum out an cry.
We go back an help dem see
God get love fo dem,
An sho at oua meetings,
Aloha fo frens.
(CHORUS)
We stay Jehovah’s army;
Wit his Son we stand.
Shout out, “We stay happy
Fo God’s Govament!”
-
3. We stay Jehovah’s army,
Use da stuff God give.
An wen we follow Jesus,
We goin be solid.
Careful us guys gotta be,
We try fo stand tall.
Wen get pi-li-ki-a,
Trus help us no fall.
(CHORUS)
We stay Jehovah’s army;
Wit his Son we stand.
Shout out, “We stay happy
Fo God’s Govament!”
(See also Phil. 1:7; Philem. 2.)
