Թեև մարդ կարող է արդարացնել իր վրեժխնդրությունը, սակայն դա դեմ է աստվածաշնչյան հետևյալ պատվերին. «Մի՛ ասա. «Ինչպես որ նա ինձ արեց, այնպես էլ ես եմ նրան անելու, ամեն մեկին իր գործերի համեմատ եմ հատուցելու»» (Առակներ 24։29)։ Աստվածաշնչյան սկզբունքները շատերին են օգնել հաղթահարել վրեժի ծարավը։

Այս հոդվածում՝

•  Ինչո՞ւ է սխալ վրեժխնդիր լինելը

•  Աստված ինչպե՞ս է պատժում մեղավորներին

•  Ինչպե՞ս հաղթահարեմ վրեժի ծարավը

•  Սխալ կարծիքներ վրեժխնդրության մասին

 Եթե ինչ-որ մեկը վիրավորում կամ վնաս է հասցնում քեզ, բնականաբար, բարկանում ես ու ցանկանում ես, որ դիմացինդ պատժվի իր արածի համար։ Սակայն վրեժխնդրությունը դեմ է աստվածաշնչյան սկզբունքներին։ Ինչո՞ւ։

 Եհովային տհաճ է, երբ մարդիկ փորձում են հաշվեհարդար տեսնել։ Իր Խոսքում Եհովա a Աստված ասում է. «Վրեժխնդրությունը իմն է։ Ե՛ս կհատուցեմ» (Հռոմեացիներ 12։19)։ Անարդար վերաբերմունքի զոհ դարձած մարդկանց Աստվածաշունչը խրախուսում է վրեժ լուծելու փոխարեն փորձել խնդիրները խաղաղ ճանապարհով լուծել (Հռոմեացիներ 12։18)։ Իսկ ի՞նչ կարելի է անել, եթե անհատն իր ձեռքից եկածն արել է, սակայն նրա ջանքերը ապարդյուն են եղել։ Սուրբ Գիրքը հորդորում է Եհովային վստահել, քանի որ նա արդարադատություն կիրականացնի (Սաղմոս 42։10, 11)։

 Աստված դեռևս թույլ է տալիս, որ մարդկային իշխանությունները պատժեն չարագործներին (Հռոմեացիներ 13։1–4)։ Երբ ժամանակը գա, նա դատաստան կիրականացնի բոլոր այն մարդկանց դեմ, որոնք դաժանորեն են վարվել, և մեկընդմիշտ կվերացնի տառապանքը (Եսայիա 11։4)։

•   Խուսափիր զգացմունքների ազդեցության տակ գործելուց (Առակներ 17։27)։ Զայրույթի ազդեցության տակ մարդիկ հաճախ այնպիսի բաներ են անում, որոնց համար հետո զղջում են։ Իսկ նրանք, ովքեր որևէ քայլ անելուց առաջ մտածում են, որպես կանոն, ավելի քիչ սխալներ են գործում (Առակներ 29։11)։

•   Իմացիր ողջ եղելությունը (Առակներ 18։13)։ Վիրավորված անձնավորությունը կարող է ինքն իրեն հարցնել. «Արդյո՞ք գիտեմ տվյալ մարդու բոլոր դրդապատճառները։ Հնարավո՞ր է, որ նա սթրեսային վիճակում է կամ անգիտակցաբար է այդպես վարվել»։ Երբեմն դիտավորյալ թվացող արարքը կարող է իրականում ոչ միտումնավոր արված լինել։

 Սխալ կարծիք։ Քանի որ Աստվածաշնչում արգելվում է հաշվեհարդար տեսնելը, մենք չենք կարող ինքնապաշտպանության դիմել։

 Փաստ։ Հարձակման դեպքում անհատն իրավունք ունի պաշտպանվել կամ ոստիկանություն դիմել։ Սակայն Աստվածաշնչում հորդորվում է հնարավորինս խուսափել բռնությունից (Առակներ 17։14)։