ԻՆՉՈ՞Ւ Է ՄՅՈՒՍՆԵՐԻ ՀԱՆԴԵՊ ՀԱՐԳԱՆՔ ԴՐՍԵՎՈՐԵԼԸ ԿԱՐԵՎՈՐ

• Աստվածաշնչյան մի առակում նշվում է. «Մեղմ պատասխանը հանդարտեցնում է ցասումը, իսկ կոպիտ խոսքը բարկություն է բորբոքում» (Առակներ 15։1)։ Անհարգալից խոսքերը կամ արարքները ասես կրակին յուղ են ավելացնում ու հաճախ աղետաբեր հետևանքներ են բերում։

• Հիսուսը նշեց. «Բերանից դուրս է գալիս այն, ինչով լցված է սիրտը» (Մատթեոս 12։34)։ Երբ անհարգալից ենք խոսում այլ ռասայի, ցեղի, ազգության պատկանող կամ ուրիշ սոցիալական կարգավիճակ ունեցող մարդկանց հետ, դրանից երևում է, թե իրականում ինչ ենք զգում նրանց հանդեպ։

  Վերջերս 28 երկրներում անցկացված հարցման արդյունքում 32 000-ից ավել հարցվածների 65 տոկոսն ասել է, որ քաղաքավարության ու փոխադարձ հարգանքի պակասը երբևէ այս աստիճանի չի եղել։

 ԻՆՉ ԿԱՐՈՂ ԵՔ ԱՆԵԼ

Թե՛ դպրոցում, թե՛ աշխատավայրում հարգեք բոլորին, անգամ երբ համակարծիք չեք։ Փորձեք գտնել մտքեր, որոնց կարող եք համաձայնել։ Դա կօգնի չդառնալ քննադատող կամ դատապարտող։

Ուրիշների հետ վարվեք այնպես, ինչպես ուզում եք, որ ձեզ հետ վարվեն։ Եթե դուք ուշադիր եք և անկողմնակալ ուրիշների հանդեպ, հավանական է, որ նրանք էլ ձեզ հետ նույն կերպ կվարվեն։

Ներողամիտ եղեք։ Ուրիշներին վատ շարժառիթներ մի՛ վերագրեք՝ հիմնվելով նախկինում նրանց արածների ու ասածների վրա։