«Նրանք մեկ մարմին կլինեն» (Ծննդոց 2։24)

Ինչպե՞ս կարող ես խուսափել կողակցիդ ցավ պատճառելուց։

• Մատթեոս 5։28; Եփեսացիներ 4։31

  Հավատարիմ մնա կողակցիդ անգամ սրտիդ խորքում։ Իմացիր՝ ինչ է զգում ու մտածում կողակիցդ։ Եթե իմանում ես, որ որևէ հարցում ցավ ես պատճառում նրան, պատրաստ եղիր փոխվելու։

• Գաղատացիներ 5։15

  Ինչ խոսք, երբեք չես ցանկանա ցավ պատճառել կողակցիդ՝ լինի դա ֆիզիկապես, թե զգացապես։ Ցավեցնող խոսքերը վնասում են ամուսնական փոխհարաբերությունները։

• Առակներ 5։18; Եբրայեցիներ 13։4

  Եհովան ամուսնական անհավատարմությունը լուրջ մեղք է համարում։ Պետք է վճռես հավատարիմ մնալ կողակցիդ և ձեր ամուսնական միությունը թանկ համարես։ Անկասկած, երբեք չես ցանկանա անպատվություն բերել Եհովայի անվանը կամ քո կողակցին։

«Տունը իմաստությամբ կկառուցվի» (Առակներ 24։3)

Ի՞նչ կարող ես անել, որ ամուր ու երջանիկ ընտանիք ունենաս։

• Առակներ 24։4; Մատթեոս 6։14, 15; Հռոմեացիներ 12։2; 1 Պետրոս 3։1

  Ժամանակ հատկացրու կողակցիդ հետ հաղորդակցվելուն։ Նրա հետ վարվիր ջերմությամբ, բարությամբ ու հարգանքով։ Սովորիր արագ ներել։

• Առակներ 14։1; 31։29; Փիլիպպեցիներ 1։9; 2։4; 1 Պետրոս 3։7

  Խնդրիր Եհովային, որ օգնի քեզ դառնալ ավելի լավ ամուսին կամ կին։ Մտածիր, թե ինչպես կարող ես ավելի բարի ու հոգատար լինել։

• Հռոմեացիներ 12։10; 1 Պետրոս 4։8

  Եթե հնարավոր ամեն ձևով ցույց տաս կողակցիդ, որ թանկ ես համարում և հարգում ես նրան, դրանով կամրացնես ձեր միությունը և կուրախացնես Եհովային։