«Դուք ճշմարտությունը կիմանաք, և ճշմարտությունը կազատի ձեզ» (Հովհաննես 8։32)

Որոշ տոներ ի՞նչ ծագում ունեն։

• 2 Կորնթացիներ 6։14–18; 2 Հովհաննես 6, 7

  Առաքյալների մահից հետո սուտ ուսուցիչները ճշմարիտ երկրպագության մեջ մտցրին հեթանոսական սովորույթներ ու տոներ և դրանց քրիստոնեական անվանումներ տվեցին։ Դրանցից շատերը նշվում են մինչ օրս, ինչպես օրինակ՝ Զատիկը, Հելոուինը և Տրնդեզը։

• Ղուկաս 2։8–11

  Աշխարհի շատ մասերում Սուրբ Ծնունդը նշում են դեկտեմբերի 25-ին։ Բայց Հիսուսը չի ծնվել տարվա այդ ժամանակ։

• Ծննդոց 40։20–22; Մարկոս 6։21–29

  Առաջին դարի քրիստոնյաները ծննդյան օրեր չէին նշում։ Աստվածաշունչը ծննդյան տարեդարձները ներկայացնում է վատ լույսի ներքո։

«Շարունակեք հավաստիանալ, թե ինչն է ընդունելի Տիրոջը» (Եփեսացիներ 5։10)

Ինչպիսի՞ տոներից քրիստոնյաները պետք է հեռու մնան։ Որևէ տոնի առնչությամբ որոշում կայացնելուց առաջ ինքդ քեզ հետևյալ հարցերը տուր։

• Եսայիա 52։11; 1 Կորնթացիներ 4։6; 2 Կորնթացիներ 6։14–18; Հայտնություն 18։4

  Կեղծ կրոնական կամ ոգեհարցական ծագում ո՞ւնի։

• Երեմիա 17։5–7; Գործեր 10։25, 26; 1 Հովհաննես 5։21

  Արդյո՞ք դրանով մեծարվում է որևէ մարդ կամ կազմակերպություն կամ ազգային խորհրդանիշ։

• Գործեր 10։34, 35; 17։26

  Այդ տոնի նպատա՞կն է փառաբանել որևէ ազգ կամ երկիր՝ այն բարձր դասելով մյուսներից։

• Սաղմոս 97։10; 1 Կորնթացիներ 2։12; Եփեսացիներ 2։2; 1 Պետրոս 4։3

  Արտացոլո՞ւմ է «աշխարհի ոգին»՝ մղելով մարդկանց զբաղվելու հարբեցողությամբ կամ անբարոյությամբ։

• Հռոմեացիներ 14։21

  Եթե մասնակցեմ այդ տոնին, գայթակղության պատճառ չե՞մ լինի։

• Հռոմեացիներ 12։1, 2; Կողոսացիներ 4։6; 1 Պետրոս 3։15

  Եթե որոշեմ չմասնակցել այդ տոնին, ուրիշներին ինչպե՞ս կբացատրեմ պատճառը։