«Չեմ ընկերակցել իրենց էությունը թաքցնողների հետ» (Սաղմոս 26։4)

Ինչո՞ւ է ազնվությունը կարևոր ընտանեկան կյանքում։

• Առակներ 6։16–19

  Ազնվության շնորհիվ ընտանիքի անդամների միջև փոխադարձ վստահություն է լինում։ Ընտանիքում բոլորը պետք է ազնիվ լինեն մեկը մյուսի հետ, անգամ երբ դա դժվար է։

• Առակներ 22։6; Եփեսացիներ 6։4

  Երբ երեխաները տեսնում են, որ ծնողները ազնիվ են, նրանց համար ավելի հեշտ է լինում ազնվությամբ վարվել։

«Խարդախ մարդը գարշելի է Եհովայի համար, բայց Նրա մտերմությունը ուղղամիտների հետ է» (Առակներ 3։32)

Ինչո՞ւ է կարևոր ազնիվ լինել ժողովի եղբայրների ու քույրերի հետ։

• Առակներ 10։19; Կողոսացիներ 4։6

  Մենք ուզում ենք միշտ ճիշտը խոսել, բայց և պետք է ուշադիր լինենք, որ մեր խոսքերը լինեն բարի ու սիրալիր։

• Ղևտական 5։1; Եբրայեցիներ 13։17; Հակոբոս 5։14, 15

  Եթե ազնիվ լինենք ժողովի երեցների հետ, նրանք կկարողանան օգնել մեզ։

• Երեմիա 32։9–12; Եփեսացիներ 6։5–8

  Եթե մենք ինչ-որ գործարքներ ենք անում մեր քույրերի և եղբայրների հետ, պետք է լիովին ազնիվ լինենք, արդարացիորեն վարվենք նրանց հետ և պահենք մեր պայմանավորվածությունները։

«Լավ անունը մեծ հարստությունից նախընտրելի է» (Առակներ 22։1)

Կյանքի ուրիշ ո՞ր բնագավառներում պետք է ազնիվ լինենք։

• Սաղմոս 37։21; Մատթեոս 22։17–21; Հռոմեացիներ 13։1–7; Եփեսացիներ 4։25, 28

  Մենք ազնիվ ենք վարվում մեր գործատիրոջ հետ, ինչպես նաև գործարքային հարցերում, դպրոցի քննությունների ժամանակ, բացի այդ՝ տարբեր բլանկներ, օրինակ՝ հարկային հաշվետվություններ կամ պետական այլ փաստաթղթեր լրացնելիս։

Ինչո՞ւ է ազնվությունը ավելի թանկ, քան ցանկացած նյութական բարիք։

• Սաղմոս 15։1, 2; Առակներ 11։1; 1 Տիմոթեոս 6։9, 10

  Ազնիվ ու վստահելի մարդու համբավը շատ մեծ արժեք ունի։ Ազնվության շնորհիվ մաքուր խիղճ ենք ունենում։ Եհովան շատ է գնահատում ազնիվ լինելու համար մեր թափած բոլոր ջանքերը։