«Հպատակվեք Աստծուն, հակառակվեք Բանսարկուին, և նա կփախչի ձեզանից» (Հակոբոս 4։7)

Որտեղի՞ց գիտենք, որ կարող ենք հակառակվել՝ դիմադրել, Սատանային։

• Հայտնություն 7։9, 14

  Եհովան սահմանափակումներ է դրել այն հարցում, թե Սատանան մեզ ինչ կարող է անել։ Նա խոստացել է, որ մի մեծ բազմություն կփրկվի ու կապրի նոր աշխարհում։

• 2 Տարեգրություն 15։2

  Եթե Եհովային մոտ մնանք, Սատանան չի կարողանա խզել նրա հետ մեր փոխհարաբերությունները։

• 1 Կորնթացիներ 10։13; Եբրայեցիներ 11։4–40

  Եհովան խոստացել է օգնել մեզ, որ կարողանանք հավատարիմ մնալ իրեն, ինչպես որ անցյալում է օգնել շատերին։

«Անտեղյակ չենք նրա դիտավորություններին» (2 Կորնթացիներ 2։11)

Սատանան ինչպիսի՞ խորամանկ միջոցներ է օգտագործում։

• Հովհաննես 15։19; Հայտնություն 12։12, 17

  Սատանան իր իշխանության տակ է պահում աշխարհը, բայց չի կարող իր իշխանությանը ենթարկել Եհովայի ժողովրդին, այդ պատճառով վերջիններս նրա թիրախն են։

• Ծննդոց 3։1; Գաղատացիներ 5։19–21; Եփեսացիներ 6։12

  Սատանան փորձում է գտնել մեր թույլ կողմերը, որ դրանք օգտագործի մեր դեմ։

• Ղևտական 19։26; Եսայիա 1։13, 15; Մարկոս 5։25, 26

  Բուժման ձև ընտրելիս հարկավոր է զգույշ լինել։ Հնարավոր է՝ անհատը, չկարողանալով բուժվել, այնքան վհատվի, որ ցանկանա բուժման այնպիսի ձև ընտրել, որը կապված է գերբնական ուժերի հետ։

• 2 Օրենք 18։10–12; Գործեր 19։19; Գաղատացիներ 6։7; Հայտնություն 21։8

  Եթե դևերը տեսնեն, որ մեզ հետաքրքրում են գերբնական ուժերի հետ կապված բաները, նրանք կարող են օգտվել մեր հետաքրքրասիրությունից։ Եթե ներգրավվենք ոգեհարցության մեջ, Եհովային անհավատարիմ կլինենք։

«[Բանսարկուն] ստախոս է և ստության հայրը» (Հովհաննես 8։44)

Ինչպե՞ս գուցե տարածենք Սատանայի ստերը։

• Հռոմեացիներ 1։11, 12; 2 Տիմոթեոս 2։16

  Մարդիկ պատմում են այնպիսի պատմություններ, որոնք Սատանային ու դևերին շատ ավելի զորավոր են ներկայացնում, քան նրանք իրականում կան։ Փոխանակ պատմենք այդպիսի պատմություններ, որոնք վախ են ներշնչում՝ պետք է ձգտենք իրար քաջալերել։

• Եփեսացիներ 6։11

  Երբ տեղյակ ենք լինում Սատանայի խորամանկ միջոցներին, կարողանում ենք հակառակվել նրան և մոտ մնալ Եհովային։