«Եկեք շարունակենք ձգտել հասունության» (Եբրայեցիներ 6։1)

Ի՞նչ է նշանակում լինել հասուն քրիստոնյա։

• Հռոմեացիներ 8։5; Եբրայեցիներ 5։14

  Հասունության հասնելու համար ժամանակ ու ջանքեր են հարկավոր։ Հասուն քրիստոնյան փորձում է ամեն ինչին նայել Եհովայի տեսանկյունից և կայացնել իմաստուն որոշումներ։

• Առակներ 27։11; Հակոբոս 1։2, 3

  Դժվարությունները հավատդ ամրացնելու և Եհովայի հանդեպ քո սերը փաստելու առիթ են։

• Առակներ 3։5, 6; Հակոբոս 1։5

  Որոշումներ կայացնելիս մտածիր, թե Եհովան կուզեր՝ ինչպե՞ս վարվեիր այդ իրավիճակում, և նրանից օգնություն խնդրիր։

• 2 Կորնթացիներ 13։5

  Երբեք մի դադարիր սովորել Եհովայի մասին և ամրացնել նրա հետ քո փոխհարաբերությունները։

«Կրենք.... իբրև սաղավարտ՝ փրկության հույսը» (1 Թեսաղոնիկեցիներ 5։8)

Հույսն ինչպե՞ս կարող է պաշտպանել քեզ։

• Եբրայեցիներ 12։2

  Ապագայի հետ կապված քո հույսը կարող է ուժ տալ քեզ։ Մտածիր այն մասին, թե Հիսուսի ունեցած հույսն ինչպես օգնեց նրան տոկալու մինչև վերջ։

• Փիլիպպեցիներ 4։6, 7

  Եթե զգաս, որ հույսդ գնալով մարում է, աղոթիր այդ մասին։ Բացասական մտքերն ու կասկածները գուցե թուլացնեն քեզ։ Բայց Եհովան կօգնի, որ քաջ լինես ու մտքի խաղաղություն ունենաս։

• Մաղաքիա 3։10; Հռոմեացիներ 8։21

  Կանոնավորաբար խորհիր ապագայի վերաբերյալ քո ունեցած հույսի մասին։ Կյանքը նոր աշխարհում կգերազանցի քո բոլոր սպասելիքները։

• Սաղմոս 37։4; Հուդա 21

  Եհովան ցանկանում է, որ լավ ճանաչես իրեն, և որ ինքը դառնա քո լավագույն ընկերը։ Արա ամեն բան, որ հնազանդվես նրան, և օրեցօր ավելի մտերմացիր նրա հետ։