6. Ինչպես ճիշտ ընտրել ժամանցը
1. ԺԱՄԱՆՑԻ ՄԵՐ ԸՆՏՐՈՒԹՅՈՒՆԸ ՑՈՒՅՑ Է ՏԱԼԻՍ, ԹԵ ՈՐՔԱՆ ԵՆՔ ՍԻՐՈՒՄ ԵՀՈՎԱՅԻՆ
«Ամեն բան Աստծու փառքի համար արեք» (1 Կորնթացիներ 10։31)
Ժամանցի ընտրության հարցում ինչո՞ւ պետք է զգույշ լինենք։
Սաղմոս 11։5, 7; 34։14; Հռոմեացիներ 12։9; 1 Կորնթացիներ 6։9, 10
Այսօրվա ժամանցի ձևերը, լինեն դրանք ֆիլմեր, վեբ կայքեր, հեռուստաշոուներ, տեսախաղեր, երաժշտություն, թե մեկ այլ բան, մեծ մասամբ պարունակում են անբարոյություն, բռնություն կամ ոգեհարցություն։
Մարկոս 12։30; Հռոմեացիներ 12։1, 2
Մեր ընտրած ժամանցը կարող է կա՛մ թարմացնել մեզ, կա՛մ դժվարացնել Եհովային հավատարիմ մնալը։
-
Մեր ընտրած ժամանցը մեծ ազդեցություն է թողնում մեզ վրա։
2. ԱՍՏՎԱԾԱՇՆՉԻ ՍԿԶԲՈՒՆՔՆԵՐԸ ԿԱՐՈՂ ԵՆ ՕԳՆԵԼ ՄԵԶ ՃԻՇՏ ԸՆՏՐԵԼ ՄԵՐ ԺԱՄԱՆՑԸ
«Շարունակեք ըմբռնել, թե որն է Եհովայի կամքը» (Եփեսացիներ 5։17)
Աստվածաշնչի ո՞ր սկզբունքները կարող են օգնել մեզ ժամանցի ճիշտ ձև ընտրել։
Սաղմոս 16։8; Առակներ 6։16–19; Գաղատացիներ 5։19–21
Մենք պետք է ատենք այն, ինչ Եհովան է ատում, օրինակ՝ բռնությունը, ոգեհարցությունը և անբարոյությունը։
Սաղմոս 19։14; Փիլիպպեցիներ 4։8
Երբ մեր միտքը սնում ենք լավ բաներով և դրանց մասին ենք մտածում, հաճեցնում ենք Եհովային։
Մատթեոս 6։33; Եփեսացիներ 5։15, 16
Պետք է ուշադիր լինենք, թե որքան ժամանակ ենք հատկացնում ժամանցին։ Եհովային մատուցվող երկրպագությունը պետք է ամենակարևոր բանը լինի մեր կյանքում։
3. ՄԵՐ ԸՆՏՐՈՒԹՅՈՒՆԸ ԿԱՐՈՂ Է ԱԶԴԵԼ ՈՒՐԻՇՆԵՐԻ ՎՐԱ
«Թող ամեն մեկը ոչ թե իր օգուտը փնտրի, այլ իր դիմացինի օգուտը» (1 Կորնթացիներ 10։24)
Ինչո՞ւ պետք է հաշվի առնենք, թե ուրիշների վրա ինչպես կազդի ժամանցի մեր ընտրությունը։
Ժողովող 7։16; Հռոմեացիներ 2։21
Ժամանցի հարցում քրիստոնյաները գուցե տարբեր ընտրություն անեն։ Ուրիշներին քննադատելու փոխարեն՝ պետք է ջանանք ինքներս ճիշտ ընտրություն անել։
Գաղատացիներ 6։5; Փիլիպպեցիներ 4։5
Ժամանցի ընտրության հարցում մեծ դեր ունի մարդու խիղճը։ Եվ պետք է հիշենք, որ մեր խիղճը և ուրիշների խիղճը կարող են տարբեր ձևով արձագանքել։
1 Կորնթացիներ 10։32; Փիլիպպեցիներ 1։10
Մենք չենք ուզում գայթակղության պատճառ լինել մեր եղբայրների ու քույրերի համար, ուստի զգույշ ենք լինում, թե ինչպիսի ժամանց ենք ընտրում։