«Մաքո՛ւր մնացեք, դուք, որ կրում եք Եհովայի տան պատկանելիքները» (Եսայիա 52։11)

Ինչպե՞ս ենք մեր երկրպագությունը մաքուր պահում։

• 1 Կորնթացիներ 10։21; Հակոբոս 1։27

  Մենք հեռու ենք մնում կեղծ կրոնի հետ կապված ավանդույթներից, սովորություններից և հավատալիքներից։

• Ղևտական 11։44; Մաղաքիա 3։6

  Եհովան միշտ պաշտպանել է իր ժողովրդին՝ տալով նրանց օրենքներ ու սկզբունքներ։

«Եկեք մաքրենք մեզ մարմնի և ոգու ամեն պղծությունից» (2 Կորնթացիներ 7։1)

Եհովան ուզում է, որ ինչպիսի՞ սովորություններ չունենանք։

• Մատթեոս 22։39; Գործեր 17։25; Տիտոս 3։1

  Պետք է հեռու մնանք այն ամենից, ինչը վնաս է պատճառում մեր օրգանիզմին ու կարճացնում է կյանքը, ինչպես օրինակ՝ ծխելը, ալկոհոլ չարաշահելը կամ թմրանյութեր օգտագործելը։ Մենք հեռու ենք մնում այսպիսի սովորություններից, քանի որ հարգում ենք մեր և ուրիշների կյանքը, ինչպես նաև այն երկրի օրենքները, որտեղ ապրում ենք։

• Հռոմեացիներ 7։21–25

  Նույնիսկ եթե շատ դժվար է թողնել վատ սովորությունը, մենք չենք հանձնվում։ Եհովայի օգնությամբ կարող ենք հաղթանակած դուրս գալ։

«Իմ մարմնին եմ հարվածում և ծառայեցնում եմ» (1 Կորնթացիներ 9։27)

Ի՞նչը կօգնի ձերբազատվել վատ սովորություններից։

• Մատթեոս 6։13

  Աստծուց խնդրիր իր սուրբ ոգին, որ կարողանաս դիմակայել սխալ ցանկությանը։

• 1 Պետրոս 4։3, 4

  Խուսափիր այնպիսի մարդկանցից, ֆիլմերից կամ երաժշտությունից, որոնց պատճառով քեզ համար դժվար կլինի պայքարել վատ սովորությունների դեմ։

• Հռոմեացիներ 12։1, 2

  Պատրաստ եղիր բացատրելու ուրիշներին, թե ինչու չես անում այս կամ այն բանը, օրինակ, թե ինչու չես ծխում։