Հանգամանորեն ուսումնասիրիր նյութը։ Լավ հասկացիր թեման, որպեսզի կարողանաս բացատրել այն պարզ կերպով և քո բառերով։

Օգտագործիր կարճ նախադասություններ և պարզ արտահայտություններ։ Թեև սխալ չէ երկար նախադասություններ օգտագործել, սակայն գլխավոր մտքերը ձևակերպիր հակիրճ արտահայտություններով և նախադասություններով։

Բացատրիր անհասկանալի բառերը։ Հնարավորինս քիչ օգտագործիր ունկնդիրներին անծանոթ արտահայտություններ։ Եթե պետք է անծանոթ բառ օգտագործես, խոսես նրանց անծանոթ աստվածաշնչյան կերպարի, հնում օգտագործվող չափման միավորի կամ որևէ հին սովորության մասին, ապա հավելյալ բացատրություն տուր դրանց վերաբերյալ։