Ճշմարիտ քրիստոնյաները վճռել են թույլ չտալ, որ ինչ-որ մեկը կամ ինչ-որ բան իրենց խանգարի երկրպագել Եհովային։ Անկասկած, դու էլ ես վճռել այդպես անել։ Եհովան գնահատում է քո հավատարմությունը (կարդա 1 Տարեգրություն 28։9)։ Իսկ ո՞ր իրավիճակները կարող են փորձության ենթարկել քո նվիրվածությունը, և ինչպե՞ս կարող ես վարվել նման դեպքերում։

1. Մարդիկ ինչպե՞ս կարող են փորձության ենթարկել Եհովայի հանդեպ մեր նվիրվածությունը

Ոմանք կփորձեն մեզ հետ պահել Եհովային ծառայելուց։ Ովքե՞ր գուցե այդպես վարվեն։ Այն մարդիկ, որոնք թողել են ճշմարտությունը և ստեր են պատմում Աստծու կազմակերպության մասին, որ կործանեն մեր հավատը։ Նրանք կոչվում են հավատուրացներ։ Մեր մասին կեղծիքներ են տարածում նաև որոշ կրոնական առաջնորդներ, որպեսզի մեզնից ոմանց հեռացնեն ճշմարտությունից։ Այդպիսի մարդկանց հետ զրուցելը, նրանց գրքերը կամ բլոգները կարդալը, կայքերը այցելելը կամ տեղադրած տեսանյութերը դիտելը վտանգավոր են։ Այն անձանց մասին, որոնք փորձում են ուրիշներին հետ պահել Եհովային նվիրվածությամբ ծառայելուց, Հիսուսն ասաց. «Թողե՛ք նրանց։ Նրանք կույր առաջնորդներ են։ Եթե կույրը կույրին առաջնորդի, երկուսն էլ փոսը կընկնեն» (Մատթեոս 15։14)։

Ի՞նչ կարող ենք անել, եթե մեր հավատակիցը որոշի թողնել ճշմարտությունը։ Դա հատկապես ցավալի կարող է լինել, երբ այդ անհատը մեր մտերիմն է։ Նա գուցե ստիպի մեզ, որ ընտրություն կատարենք իր և Եհովայի միջև։ Սակայն մենք պետք է վճռական լինենք ամենից առավել նվիրված մնալու Եհովային (Մատթեոս 10։37)։ Հետևաբար մենք հնազանդվում ենք Եհովայի պատվերին և չենք շփվում այդպիսի մարդկանց հետ (կարդա 1 Կորնթացիներ 5։11)։

2. Ինչպե՞ս կարող ենք մեր կայացրած որոշումներով ցույց տալ, որ նվիրված ենք Եհովային

Եհովայի հանդեպ սերը մեզ մղում է, որ հեռու մնանք կեղծ կրոնի հետ առնչվող ցանկացած բանից։ Ո՛չ մեր աշխատանքը, ո՛չ այն կազմակերպությունները, որոնց անդամակցում ենք, ո՛չ էլ որևէ զբաղմունք չպետք է կապ ունենան կեղծ կրոնի հետ։ Եհովան պատվիրել է. «Դո՛ւրս եկ [Մեծ Բաբելոնի] միջից, ի՛մ ժողովուրդ» (Հայտնություն 18։2, 4)։

 ԻՄԱՆԱՆՔ ԱՎԵԼԻՆ

3. Հեռու մնա կեղծ ուսուցիչներից

Ինչպե՞ս պետք է վարվենք, երբ բացասական բաներ ենք լսում Եհովայի կազմակերպության մասին։ Կարդացեք Առակներ 14։15 և քննարկեք հետևյալ հարցը։

• Ինչո՞ւ պետք է զգույշ լինենք, որ ամեն լսածի չհավատանք։

Կարդացեք 2 Հովհաննես 10, այնուհետև քննարկեք հետևյալ հարցերը։

• Ինչպե՞ս պետք է վերաբերվենք հավատուրացներին։

• Թեև մենք հավատուրացների հետ անմիջական շփում չենք ունենում, սակայն ուրիշ ի՞նչ կերպերով հնարավոր է՝ առնչվենք հավատուրացների ուսմունքներին։

• Քո կարծիքով՝ Եհովան ի՞նչ կզգա, եթե ուշադրություն դարձնենք այն բացասական բաներին, որոնք մարդիկ խոսում են իր և իր կազմակերպության մասին։

4. Նվիրված մնա Աստծուն, երբ հավատակիցդ մեղք է գործում

Եթե իմանանք, որ ժողովում ինչ-որ մեկը լուրջ մեղք է գործել, ի՞նչ պետք է անենք։ Քննենք մի սկզբունք Մովսիսական օրենքից, որն Աստված տվել էր հին Իսրայելին։ Կարդացեք Ղևտական 5։1։

Ինչպես տեսանք այս համարից, եթե իմանում ենք, որ անհատը լուրջ մեղք է գործել, պետք է երեցներին ասենք դրա մասին։ Բարության դրսևորում կլինի, եթե նախքան դա անելը այդ անհատին խրախուսենք անձամբ խոսել երեցների հետ և խոստովանել գործած մեղքը։ Եթե նա վարանի այդպես վարվել, Եհովայի հանդեպ նվիրվածությունը պետք է մղի մեզ խոսել երեցների հետ և պատմել եղելությունը։ Այդպիսի մոտեցումն ինչպե՞ս է ցույց տալիս մեր նվիրվածությունը՝

• Եհովա Աստծու հանդեպ

• մեղք գործած անհատի հանդեպ

• ժողովի մեր մյուս հավատակիցների հանդեպ

 5. Հեռու մնա Մեծ Բաբելոնից

 ԱՄՓՈՓՈՒՄ

Եհովային նվիրված մնալու համար մենք պետք է խուսափենք նրան անհավատարիմ մարդկանց հետ շփվելուց։ Նաև պետք է բոլոր կապերը խզենք կեղծ կրոնի հետ։

Վերհիշենք

• Ինչո՞ւ չպետք է դիտենք, կարդանք կամ լսենք այնպիսի նյութեր, որոնք պարունակում են հավատուրացների գաղափարները։

• Ինչպե՞ս պետք է վերաբերվենք նրանց, ովքեր այլևս չեն ցանկանում Եհովայի վկա լինել։

• Ինչպե՞ս կարող ենք հետևել կեղծ կրոնից հեռու մնալու նախազգուշացմանը։