ԵՐԳ 75
«Ահա՛ ես, ի՛նձ ուղարկիր»
-
1. Այսօր մարդիկ խայտառակում,
Աստծու անունն են անպատվում,
Նրան դաժան, անճար կոչում,
«Աստված չկա»,— անմիտ գոչում։
Յահին ո՞վ կփառաբանի,
Անունը ո՞վ կսրբացնի։
(ԿՐԿՆԵՐԳ 1)
«Ահա՛ ես, ուղարկի՛ր ինձ, Տե՛ր.
Կգովերգեմ անունդ վեհ։
Ի՜նչ մեծ պատիվ, ի՜նչ թանկ պարգև... Տե՛ր,
Ուղարկի՛ր, ահա՛ ես, Վե՛մ»։
-
2. Ծաղրում են՝ Յահը չի գործում.
Մարդիկ Աստծուց չեն վախենում։
Ոմանք պաշտում են կուռքերի,
Ոմանք՝ աստվածացնում կայսրին։
Նրանց ո՞վ կտեղեկացնի
Յահի ահեղ օրվա մասին։
(ԿՐԿՆԵՐԳ 2)
«Ահա՛ ես, ուղարկի՛ր ինձ, Տե՛ր.
Կզգուշացնեմ ես անվեհեր։
Ի՜նչ մեծ պատիվ, ի՜նչ թանկ պարգև... Տե՛ր,
Ուղարկի՛ր, ահա՛ ես, Վե՛մ»։
-
3. Հեզերն են հառաչում, տխրում.
Չարիք է ամենուր տիրում։
Աստծու սուրբ խոսքն են որոնում.
Մտքի անդորր է այն բերում։
Նրանց ո՞վ կմխիթարի
Եվ ցույց կտա արդար ուղին։
(ԿՐԿՆԵՐԳ 3)
«Ահա՛ ես, ուղարկի՛ր ինձ, Տե՛ր.
Ես կմխիթարեմ սրտեր։
Ի՜նչ մեծ պատիվ, ի՜նչ թանկ պարգև... Տե՛ր,
Ուղարկի՛ր, ահա՛ ես, Վե՛մ»։
(Տես նաև Սաղ. 10։4; Եզեկ. 9։4)
