Ամոս 3։1-15
3 Լսեցէք այս խօսքը, որ Տէրը ասում է ձեր մասին, ով Իսրայէլի որդիք, այն բոլոր ազգատոհմի համար, որ վեր բերի Եգիպտոսի երկրից, ասելով.
2 Միայն ձեզ եմ ճանաչել երկրի բոլոր ազգատոհմերից, դորա համար ձեզ պիտի պատժեմ ձեր ամեն անօրէնութիւնների համար:
3 Մի՞թէ երկուսը կ’գնան միասին, եթէ համաձայնուած չ’լինեն:
4 Մի՞թէ առիւծը կ’մռնչէ անտառումը, եթէ որս չունենայ. մի՞թէ առոյգ առիւծը ձայնը կ’հանէ իր որջիցը, եթէ մի բան որսած չ’լինի:
5 Մի՞թէ վայր կ’ընկնի թռչիւնը երկրի վերայ վարմի մէջը, եթէ նորա համար լարող եղած չ’լինի:
6 Կամ եթէ փող փչուի քաղաքում, եւ ժողովուրդը չի՞ վախենալ, կամ չարիք կ’լինի՞ մի քաղաքում, որ Տէրը չ’լինի արած այն:
7 Որովհետեւ Տէր Եհովան ոչ մի բան չի անիլ, եթէ չ’յայտնէ իր խորհուրդը իր ծառաներին՝ մարգարէներին:
8 Առիւծը մռնչել է, ո՞վ չէ վախենում. Տէր Եհովան է խօսում, ո՞վ չի մարգարէանալ:
9 Հրատարակեցէք Ազովտոսի պալատների վերայ, եւ Եգիպտոսի երկրի մէջ պալատների վերայ, եւ ասեցէք. Ժողովուեցէք Սամարիայի սարերի վերայ, եւ մտիկ արէք նորա միջի շատ խռովութիւններին:
10 Եւ չ’գիտեն ուղղիւթիւն անել, անսում է Տէրը, իրանց պալատներումը զրկանք ու յափշտակութիւն դիզողները:
11 Սորա համար այսպէս է ասում Տէր Եհովան. Թշնամի՜, եւ այն էլ երկրի շուրջը. եւ նա պիտի իջեցնէ քեզանից քո ոյժը, եւ քո պալատները պիտի կողոպտուին:
12 Այսպէս է ասում Տէրը. Ինչպէս որ հովիւն է ազատում առիւծի ձեռքից երկու ոլոքներ եւ մի ականջի բլթակ, այնպէս էլ պիտի ազատուին Իսրայէլի որդիքը, որոնք բնակվում են Սամարիայումը՝ բազմոցի անկիւնի վերայ եւ դամասկեայ անկողնի վերայ:
13 Լսեցէք եւ վկայեցէք Յակոբի տանը, ասում է Տէր Եհովան՝ Զորնաց Աստուածը.
14 Այն օրը երբոր կ’բերեմ Իսրայէլի յանցանքների պատիժը իր վերայ, եւ կ’պատժեմ Բեթէլի սեղանները. Նայն ժամանակ կ’կոտրուին սեղանի եղջիւրներն ու գետինը կ’ընկնեն:
15 Եւ ես կ’ջարդեմ ձմերային տունը եւ ամարային տունը, եւ կ’կորչեն փղոսկրյա տուները, եւ բնաջինջ կ’լինեն մեծամեծ տները, ասում է Տէրը: