Հեսու 19։1-51
19 Եւ երկրորդ վիճակը դուրս եկաւ Շմաւոնին, Շմաւոնի որդկանց տոհմերի համեմատ. եւ նորանց ժառանգութիւնը եղաւ Յուդայի որդկանց ժառանգութեան մէջ։
2 Եւ նորանցը եղաւ իրանց ժառանգութեան մէջ. Բերսաբէէ, (Սաբէէ) Մօլադա,
3 Ասեր–սուաղ, Բաղա, Ասէմ
4 Էլթուղադ, Բաթուլ ,Հօրմա, Սիկելակ,
5 Բեթմարքաբովթ, Ասեր–սուսա,
6 Բեթլաբաւովթ, եւ Սարուհէն. տասնեւերեք քաղաք եւ նորանց գիւղերը։
7 Ային, Ռեմօն, Եթեր եւ Ասան. չորս քաղաք եւ նորանց գիւղերը։
8 Եւ այս քաղաքների շուրջը եղած բոլոր գիւղերը՝ մինչեւ Բաաղէթ–բէէր, եւ հարաւային Ռաման։ Այս է Շմաւոնի որդկանց ժառանգութիւնն իրանց տոհմերի համեմատ։
9 Շմաւոնի որդկանց ժառանգութիւնը Յուդայի որդկանց բաժինիցն եղաւ, որովհետեւ Յուդայի որդկանց բաժինը շատ էր իրանց համար, նորա համար Շմաւոնի որդիքը նորանց ժառանգութեան մէջ ժառանգութիւն առան։
10 Եւ երրորդ վիճակն ելաւ Զաբուղոնի որդկանցը իրանց տոհմերի համեմատ. եւ նորանց ժառանգութեան սահմանը եղաւ մինչեւ Սարիդ։
11 Եւ նորանց սահմանը վեր է ելնում դէպի ծովը եւ Մարաղա. եւ դպչում է Դաբասէթին, եւ հասնում է Յեկնամի դէմ եղող ձորը,
12 Եւ Սարիդից դառնում է դէպի արեւելեան կողմը Քասղովթ–թաբօրի սահմանը, եւ դուրս է գալիս Դաբարաթից եւ բարձրանում Յափիէ,
13 Եւ այնտեղից անցնում է դէպի առաջի կողմը արեւելք Գեթքոփեր Իթագասին եւ դուրս է գալիս Ռեմօն–մեթօար, Նուա.
14 Եւ պտոյտ է տալիս այս սահմանը հիւսիսային կողմից Ենաթօնով, եւ Յեփթայէլի ձորումը վերջանում.
15 Եւ Կատտաթ եւ Նաաղօլ, եւ Սամրօն ու Յադելա, եւ Բեթլէհէմ տասնեւերկու քաղաք եւ նորանց գիւղերը։
16 Այս է Զաբուղոնի որդկանց ժառանգութիւնը իրանց տոհմերի համեմատ. այս քաղաքները եւ նորանց գիւղերը։
17 Չորրորդ վիճակն ելաւ Իսաքարին, Իսաքարի որդկանցն իրանց տոհմերի համեմատ.
18 Եւ նորանց սահմանը եղաւ.
19 Յեզրայէլ, Քասելովթ, Սունամ,
20 Ափերէմ, Սիան, Անարէթ, Ռաբբիդ,
21 Կեսիօն, Աբէս, Ռամաթ, Ենգանիմ, Ենքադդա և Բեթփասէս.
22 Եւ այս սահմանը դպչում է Թաբօրին, Սասիմային եւ Բեթսամիւսին, եւ նորանց սահմանը վերջանում է Յորդանանումը տասնեւվեց քաղաք եւ նորանց գիւղերը։
23 Այս է Իսաքարի որդկանց ցեղի ժառանգութիւնը իրանց տոհմերի համեմատ, այս քաղաքները եւ նորանց գիւղերը։
24 Եւ հինգերորդ վիճակն ելաւ Ասերի որդկանց ցեղին իրանց տոհմերի համեմատ։
25 Եւ նորանց սահմանը եղաւ. Քեղկաթ, Աղի, Բետէն, Աքսափ, Ալամելէք, Ամադ, եւ Մասաղ.
26 եւ արեւմտեան կողմից հասնում է Կարմեղոսին եւ Սիօր–լեբնաթին,
27 Եւ արեւելեան կողմիցը դառնում է դէպի Բեթդագոն, եւ հիւսիսային կողմիցը հասնում է Զաբուղոնին Յեփթայէլի ձորումը, Բեթամէկին, եւ Նէիէլին, եւ դուրս է գալիս ձախ կողմից Քաբօղ,
28 Եւ Եբրօն, Րոոբ, Համմօն, եւ Կանա, մինչեւ մեծ Սիդոն.
29 Եւ այս սահմանը դառնում է Ռամա մինչեւ Տիւրոս՝ ամուր քաղաքը, եւ այս սահմանը դառնում է Ուսա եւ ծովումը վերջանում Աքեզիբի վիճակի մէջ.
30 Եւ Ամմա, Ափէկ, եւ Րոոբ. քսանեւերկու քաղաքներ եւ նորանց գիւղերը։
31 Այս է Ասերի որդկանց ցեղի ժառանգութիւնն իրանց տոհմերի համեմատ, այս քաղաքները եւ նորանց գիւղերը։
32 Վեցերորդ վիճակն ելաւ Նեփթաղիմի որդկանցը, այսինքն Նեփթաղիմի որդկանցն իրանց տոհմերի համեմատ։
33 Եւ նորանց սահմանն եղաւ, Հելէփից, Ալօնից մինչեւ Սանանիմ, եւ Ադամի–նագեբ, եւ Յաբնէլ մինչեւ Լակում եւ վերջանում է Յորդանանի մէջ։
34 Եւ այս սահմանը դառնում է արեւմտեան կողմիցը դէպի Ազանօթ–թաբոր, եւ այնտեղից դուրս գալիս Հուկօկ, եւ հասնում հարաւային կողմից մինչեւ Զաբուղոն, եւ արեւմտեան կողմից մինչեւ Ասեր, եւ արեւելեան կողմից մինչեւ Յուդա եւ Յորդանան.
35 Եւ պարսպաւոր քաղաքները՝ Ասեդիմ,
36 Սէր, Ամաթ, Ռեկկաթ, Քեներեթ,
37 Ադամա, Ռամա, Հասոր, Կադէս,
38 Եդրայի, Ենհասոր, Յարօն, Մակդաղիէլ, Հարէմ, Բեթանաթ, եւ Բեթսամիւս. տասնեւինը քաղաք եւ նորանց գիւղերը։
39 Այս է Նեփթաղիմի որդկանց ցեղի ժառանգութիւնն իրանց տոհմերի համեմատ, այս քաղաքները եւ նորանց գիւղերը։
40 Եօթներորդ վիճակն ելաւ Դանի որդկանց ցեղին իրանց տոհմերի համեմատ։
41 Եւ նորանց ժառանգութեան սահմանը եղաւ Սարաա, Եսթաւուղ,
42 Իրսամէս, Սաղաբին, Այեղոն, Յեթլա,
43 Ելօն, Թամնաթա, Ակկարոն,
44 Ելթեկէ, Քաբաթոն, Բաալօթ, Եհուդ,
45 Բանէ–բարակ, Գեթրեմօն,
46 Մէարկոն, եւ Ռակկոն, Յոպպէի դիմացի սահմանի հետ։
47 Եւ Դանի որդկանց սահմանն իրանց համար փոքր դուրս ելաւ. ուստի Դանի որդիքը վեր կացան, եւ Լեսեմի հետ պատերազմեցին, եւ նորան առան եւ նորան սուրի բերանով զարկեցին եւ նորան ժառանգեցին, եւ նորա մէջ բնակուեցան, եւ Լէսեմն իրանց հօր Դանի անունովը Դան կոչեցին։
48 Այս է Դանի որդկանց ցեղի ժառանգութիւնը իրանց տոհմերի համեմատ. այս քաղաքները եւ նորանց գիւղերը։
49 Եւ երկիրն իր սահմաններովը բաժանելը վերջացրին, եւ Իսրայէլի որդիքը ժառանգութիւն տուին Նաւեան Յեսուին իրանց մէջ.
50 Տիրոջ հրամանովը նորա ուզած քաղաքը Թամնաթ–սարան իրան տուին Եփրեմի սարի վերայ. եւ նա շինեց քաղաքը եւ բնակուեց նորանում։
51 Սորանք են այն ժառանգութիւնները՝ որ Եղիազար քահանան եւ Նաւեան Յեսուն եւ Իսրայէլի որդկանց ցեղերի նահապետները Սելովումը Տիրոջ առաջին՝ ժողովքի խորանի դռան մօտ վիճակով բաժանեցին, եւ երկիրը բաժանելը վերջացրին։
