Միքիա 2։1-13
2 Վա՜յ անօրէնութիւն խորհողներին, եւ իրանց անկողինների վերայ չարութիւն գործողներին. Նորանք անում են այն՝ առաւօտեան լոյսին, որ իրանց ձեռքն է իրանց ոյժը:
2 Եւ նորանք ցանկանում են ագարակների եւ յափշտակում, եւ ցանկանում են տների՝ եւ առնում. Եւ բռնաբարում են մարդին ու իր տանը եւ մարդին ու նորա ժառանգութիեանը:
3 Դորա համար այսպէս է ասում Տէրը. Ահա ես չարիք եմ խորհում այս ազգի վերայ. Որտեղից որ չեք կարողանալ քաշել ձեր պարանոցները, եւ չէք գնալ հպարտութեամբ, որովհետեւ ժամանակը չար է:
4 Այն օրը ձեզ վերայ առակ են խօսելու, եւ ողբալի ողբով ողբալու են ասելով. Բոլորովին փչացանք. իմ ժողովրդի բաժինը նա փոխեց, նա ի՜նչպէս է վեր առնում ինձանից, խոտորողիին բաժանում է մեր դաշտերը:
5 Դորա համար դու լար ձգող պիտի չ’ունենաս Տիրոջ ժողովքումը:
6 Նորանք՝ Մի մարգարէանաք, ասելով մարգարէանում են: Նորանք չ’պիտի մարգարէանան նորանց վերայ*. նախանտինքը չի վերանալ:
7 Ով Յակոբի տուն կոչուածդ, մի՞թէ Տիրոջ հոգին կարճ է. կամ սորա՞նք են նորա գործերը. Մի՞թէ իմ խօսքերը լաւ չեն ուղիղ վարուողի համար:
8 Եւ իմ ժողովուրդը անցեալումն* իբրեւ թշնամի է վեր կացել. Հանդերձի վերայից յափշտակում էք պատմուճանը ապահով անցուդարձողներից, պատերազմից ետ դարձողներից:
9 Իմ ժողովրդի կանանցը վռնտում էք իրանց զուրաճալի տներիցը, նորանց երեխաների վրայից առնում էք իմ փառքը չաւիտեան:
10 Վեր կացէք ու գնացէք, որովհետեւ սա չէ հանգստութեան տեղը. այն պղծութեան պատճառով, որ պիտի կործանէ, եւ այն էլ սաստիկ կործանումով:
11 Եթէ մի մարդ՝ թեթեւաբարո եւ ստապատում՝ ասէ Քեզ գինիի եւ օղիի վերայ մարգարէանում, ահա նա կ’լինի այս ազաի մարգարէն:
12 Անպատճառ պիտի ժողովեմ ձեզ ամենիդ, ով Յակոբ, անպատճառ պիտի հաւաքեմ Իսրայէլի մնացորդը Բոսրայի ոչխարների պէս, ինչպէս մի հօտ իր փարախի մէջ. պիտի աղմուկ հանեն մարդկանց բազմութեան պատճառով:
13 Խրամատողը վեր է ելնում նորանց առաջին, նորանք խրամատում եւ անց են կանում դռնովը ու նորանով դուրս գալիս, եւ նորանց թագաւորը անց է կենում նորանց առաջին, եւ Տէրն էլ նորանց պարագլուխ: