Նեեմիա 12։1-47
12 Եւ սորանք են այն քահանաները եւ Ղեւտացիները որ Սաղաթիէլեան Զօրաբաբէլի եւ Յեսուի հետ դուրս եկան՝ Սարայիան,
2 Երեմիան, Եզրասը, Ամարիան, Մալուքը, Քետտուսը.
3 Սեքենիան, Հռէումը,
4 Մերամօթը, Ադդովը,
5 Կանաթօնը, Աբիան, Միամինը, Մովադիան, Բեղդանը, Սեմայիան,
6 Յովարիբը, Յեդայիան, Սալլուն,
7 Ամոկը, Քեղկիան, Յեդայիան. սորանք էին քահանաների գլխաւորներն իրանց եղբայրներովը Յեսուի օրերին։
8 Եւ Ղեւտացիները՝ Յեսուն, Բանուին, Կադմիէլը, Սարաբիան, Յուդան, Մաթանիան. սա օրհնութիւների վերայ էր իր եղբայրներովը։
9 Եւ նորանց եղբայրը՝ Բակբոկիան եւ Ունին նորանց առաջին իրանց կարգովը։
10 Եւ Յեսուն ծնեց Յովակիմին, եւ Յովակիմը ծնեց Եղիասիբին, եւ Եղիասիբը ծնեց Յովիադային,
11 Եւ Յովիադան ծնեց Յովնաթանին, եւ Յովնաթանը ծնեց Յադդուային։
12 Եւ Յովակիմի օրերին տոհմապետ քահանաներն էին՝ Սարայիայից՝ Մարայիան,
13 Երեմիայից՝ Անանիան, Եզրասից՝ Մեսուղամը, Ամարիայից՝ Յոհանանը,
14 Մալուքից՝ Յովնաթանը, Սաբանիայից՝ Յովսէփը,
15 Հարիմից՝ Եդնան, Մարիօթից՝ Քեղկան,
16 Ադովդից՝ Զաքարիան, Կանաթօնից՝ Մեսուղամը,
17 Աբիայից՝ Զիքրինը, Մինիամից՝ Մովադիայից՝ Փաղատին,
18 Բեղգայից՝ Սամուան, Սեմայիայից՝ Յովնաթանը,
19 Յովարիբից՝ Մաթանան,
20 Յեդայիայից՝ Ոզին, Սալլայից՝ Կալլան,
21 Ամոկից՝ Եբերը, Քեղկիայից՝ Ասաբիան, Յեդայիայից՝ Նաթանայէլը։
22 Ղեւտացիները՝ տոհմապետները գրուեցան Եղիասիբի, Յովիադայի, Յօհանանի եւ Յադդուայի օրերին, եւ քահանաները Պարսից Դարեհի թագաւորութիւնովը։
23 Ղեւտացի տոհմապետները գրուեցան ժամանակագրութեան գրքումը մինչեւ Եղիասիբի որդի Յօհանանի օրերը։
24 Եւ Ղեւտացիների իշխանները Ասաբիան, Սարաբիան եւ Կադմիէլի որդի Յեսուն էին. եւ նորանց եղբայրները նորանց առաջին, որ օրհնեն եւ գովեն Աստուծոյ մարդ Դաւիթի հրամանին համեմատ դաս դասի դէմ։
25 Մաթանիան, Բակբոկիան, Աբդիան, Մեսուղամը, Տեղմոնը եւ Ակկուբը դրան շտեմարանների վերայ պահապանութիւն էին անում։
26 Սորանք էին Յովսեդեկեան Յէսուի որդի Յովակիմի օրերումը, եւ Նէեմիա կուսակալի եւ Եզրաս քահանայ դպրի օրերումը։
27 Եւ Երուսաղէմի պարսպի նաւակատիքին՝ որոնեցին Ղեւտացիներին իրանց բոլոր տեղերիցը, որ նորանց բերեն Երուսաղէմ գոհութիւններով, երգով, ծնծղաներով, տաւիղներով եւ քնարներով նաւակատիք եւ ուրախութիւն անելու համար։
28 Եւ ժողովուեցան երգեցողների որդիքը Երուսաղէմի շրջակայ կողմերից եւ Նետոփաթացիների գիւղերիցը,
29 Եւ Բեթգաղգաղայից եւ Գաբայի եւ Ազամօթի դաշտերից. որովհետեւ երգեցողներն իրանց համար գիւղեր էին շինել Երուսաղէմի շրջակայքումը։
30 Եւ քահանաներն ու Ղեւտացիները սրբուեցան, եւ սրբեցին ժողովրդին եւ դռները եւ պարիսպը։
31 Եւ ես Յուդայի իշխաններին պարսպի վերայ հանեցի եւ երկու մեծ դաս գոհութիւն երգողներ կարգեցի. մէկը պարսպի վերայ աջ կողմին Աղբից դռան մօտ.
32 Եւ նորա ետեւից գնում էին Ովսէիան եւ Յուդայի իշխանների կէսը,
33 Եւ Ազարիան, Եզրասը, Մեսուղամը, Յուդան,
34 Բենիամինը, Սեմայիան եւ Երեմիան.
35 Եւ քահանաների որդիներից փողերով Զաքարիան՝ որդի Յովնաթանի, որդի Սեմայիայի, որդի Մաթանիայի, որդի Միքիայիայի, որդի Զաքուրի, որդի Ասափի.
36 Եւ նորա եղբայրները Սեմայիան, Ազարիէլը, Միլալան, Գիլալան, Մաան, Նաթանայէլը, Յուդան եւ Անանին Աստուծոյ մարդ Դաւիթի քաղաքի նուագարաններովը. եւ Եզրաս դպիրը նորանց առաջին։
37 Եւ Աղբիւրի դռնովը, եւ նորանց դիմացը, վեր ելան Դաւիթի քաղաքի աստիճանների վերայ պարսպի աստիճանովը վեր դեպի Դաւիթի տունը մինչեւ Ջրի դուռը դեպի արեւելք։
38 Եւ միւս երգողների դասը գնում էին դէմ ու դէմ, եւ ես նորա ետեւից, եւ ժողովրդի կէսը պարսպի վերայ Փուռերի աշտարակից վեր մինչեւ Լայն պարիսպը։
39 Եւ Եփրեմի դռան վերայից Հին դռան մօտով եւ Ձկանց դռան մօտով, եւ Անանայէլի աշտարակի եւ Մէայի աշտարակի մօտով մինչեւ Ոչխարաց դուռը, եւ կանգնեցին Բանտի դռան։
40 Յետոյ երգողների երկու դասերը կանգնեցին Աստուծոյ տանը, ես էլ եւ ոստիկանների կէսը ինձ հետ։
41 Եւ քահանայք՝ Եղիակիմը, Մաասիան, Մենիամինը, Միքիան, Եղիովէնային, Զաքարիան, Անանիան փողերով։
42 Եւ Մաասիան, Սեմայիան, Եղիազարը, Ոզին, Յօհանանը, Մեղքիան, Եղամը եւ Եզերը, եւ երգեցողները մեծաձայն երգեցին. եւ Յեզերիան վերակացուն էր։
43 Եւ այն օրը մեծամեծ զոհեր մատուցրին եւ ուրախացան, որովհետեւ Աստուած ուրախացրեց նորանց մեծ ուրախութեամբ, նաեւ կնիկներն ու երեխաներն էլ էին ուրախանում. եւ Երուսաղէմի ուրախութիւնը հեռուից էր լսվում։
44 Եւ այն օրը մարդիկ որոշուեցան շտեմարանների սենեակների վերայ ընծաների, երեխայրիների եւ տասանորդների համար, որ նորանց մէջ ժողովեն քաղաքների ագարակներից քահանաների եւ Ղեւտացիների օրինաւոր բաժինները, որովհետեւ Յուդան ուրախութիւն ունէր քահանաների եւ Ղեւտացիների վերայ որ կանգնել էին։
45 Եւ պահում էին իրանց Աստուծոյ պահապանութիւնը եւ մաքուր պահապանութիւնը, նոյնպէս եւ երգեցողները եւ դռնապանները Դաւիթի հրամանին պէս որի որդին է Սողոմոնը։
46 Որովհետեւ վաղուց Դաւիթի եւ Ասափի օրերին երգեցողների գլխաւոր կար եւ Աստուծուն օրհնելու եւ գովելու երգեր.
47 Եւ բոլոր Իսրայէլը Զօրաբաբէլի օրերին եւ Նէեմիայի օրերին տալիս էին երգեցողների եւ դռնապանների ամեն օրուայ բաժինները. եւ սուրբ բաները տալիս էին Ղեւտացիներին, եւ Ղեւտացիներն էլ սուրբ բաները տալիս էին Ահարօնի որդկանցը։
