Սաղմոս 115։1-18
115 Ոչ թէ մեզ, Տէր, ոչ թէ մեզ. այլ՝ քո անունին փառք տուր քո ողորմութեան համար եւ քո ճշմարտութեան համար:
2 Ի՞նչու համար հեթանոսներն ասեն. թէ Ո՞ւր է նորանց Աստուածը:
3 Բայց մեր Աստուածը երկնքումն է, նա ամեն ինչ որ կամենում է՝ անում է:
4 Նորանց կուռքերն արծաթ եւ ոսկի են. մարդի ձեռքի գործեր:
5 Բերան ունին եւ չեն խօսում, աչքեր ունին եւ չեն տեսնում.
6 Ականջներ ունին եւ չեն լսում. քիթ ունին եւ հոտ չեն առնում.
7 Ձեռքեր ունին եւ չեն շօշափում. ոտքեր ունին եւ չեն գնում. եւ իրանց կոկորդովը ձայն չեն հանում:
8 Նորանց շինողներն էլ նորան նման են, եւ այն ամենքը, որ յոյս են դնում նորանց վերայ:
9 Ով Իսրայէլ, յուսա Տիրոջը, նորանց օգնութիւնը եւ վահանը նա է:
10 Ով Ահարօնի տուն, յուսացէք Տիրոջը, նորանց օգնութիւնը եւ վահանը նա է:
11 Ով Տէրից վախեցողներ, յուսացէք Տիրոջը. նորանց օգնութիւնը եւ վահանը նա է:
12 Տէրը յիշում է մեզ. նա կ’օրհնէ՝ նա կ’օրհնէ Իսրայէլի տունը, նա կ’օրհնէ Ահարօնի տունը:
13 Նա կ’օրհնէ Տէրիցը վախեցողներին՝ փոքրերին մեծերի հետ:
14 Տէրը օրհնութիւն կ’շատացնէ ձեզ վերայ. ձեզ վերայ եւ ձեր որդկանց վերայ:
15 Օրհնեալ էք դուք Տէրիցը, որ երկինքն ու երկիրը ստեղծեց:
16 Երկինքների երկինքը Տիրոջն է, եւ նա երկիրը մարդկանց որդիներին տուաւ:
17 Ոչ թէ մեռելները կ’օրհնեն Տիրոջը. եւ ոչ էլ լռութեան մէջ* իջնողները:
18 Բայց մենք պիտի օրհնենք Տիրոջը այսուհետեւ մինչեւ յաւիտեան: Ալէլուիա:
Ծանոթագրություններ
^ 115։17 Այսինքն՝ գերեզմանը։
