Սաղմոս 124։1-8
Աստիճանների երգ։ Դաւիթի (Սաղմոս)։
124 Եթէ Տէրը մեզ հետ չ’լինէր. թող ասէ Իսրայէլը.
2 Եթէ Տէրը մեզ հետ չ’լինէր՝ մարդիկ մեզ վերայ վեր կենալիս,
3 Ապա կենդանի կենդանի կուլ կը տային մեզ՝ նորանց բարկութիւնը մեզ վերայ բորբոքուելիս.
4 Ապա ջուրերը կ’թաղէին մեզ, հեղեղը մեր անձերի վերայ անց կ’կենար:
5 Ապա գոռոզ ջուրերն անց կ’կենային մեր անձերի վերայ:
6 Օրհնեալ լինի Տէրը որ մեզ որս չ’տուաւ նորանց ատամներին:
7 Մեր անձինքը ինչպէս ծիտ՝ պրծան որսորդների որոգայթիցը. որոգայթը փշրուեցաւ եւ մենք պրծանք:
8 Մեր օգնութիւնը Տիրոջ անունովն է, որ արաւ երկինքն ու երկիրս:
