Սաղմոս 14։1-7
Երգողների գլխաւորին։ Դաւիթի Սաղմոս։
14 Անզգամն ասաց իր սրտումը՝ թէ Աստուած չ’կայ. նորանք ապականուեցան եւ գարշելի եղան իրանց գործքերովը. ոչ ով չ’կայ որ բարի գործէ:
2 Տէրը երկնքից մտիկ է անում մարդկանց որդիների վերայ, որ տեսնէ, թե կլինի՞ արդեօք մէկ իմաստուն, որ Աստուծուն խնդրէ:
3 Ամենքը խոտորուեցան , եւ միասին անպիտանացան. բարի գործող չ’կայ, մէկն էլ չ’կայ:
4 Մի՞թէ չեն իմանում ամեն անօրէնութիւն գործողները, որ իմ ժողովուրդն ուտում են ինչպէս որ հացը կ’ուտեն, եւ Տիրոջը չեն կանչում:
5 Այնտեղ վախենում են վախով. որովհետեւ Տէրը արդարների ցեղի մէջ է:
6 Խեղճի խորհուրդը ամօթ էք անում, որ Տէրը նորա յոյսն է:
7 Ո՜հ թէ Սիօնից գար Իսրայէլի փրկութիւնը. երբոր Տէրն իր ժողովրդի գերութիւնը դարձնէ՝ Յակոբը կ’ցնծայ և Իսրայէլն ուրախ կ’լինի:
