Սաղմոս 24։1-10
Դաւիթի Սաղմոս։
24 Տիրոջն է երկիրը եւ նորա լիութիւնը. աշխարհը եւ նորա բնակիչները:
2 Որովհետեւ նա ինքը ծովերի վերայ հիմնեց նորան. եւ նորան գետերի վերայ հաստատեց:
3 Ո՞վ վեր կ’գնայ Տիրոջ սարը, եւ ո՞վ կ’կանգնի նորա սրբութեան տեղումը:
4 Նա, որ սուրբ է ձեռքով եւ անարատ սրտով. որ իր անձը անիրաւութեան չէ տալիս, եւ երդում չէ անում նենգութիւնով:
5 Նա օրհնութիւն կ’ստանայ Տէրիցը եւ արդարութիւն՝ իր փրկութեան Աստուածանից:
6 Այս այն ազգն է որ խնդրում է նորան, որ խնդրում է քո երեսը, ով Յակոբի Աստուած: (Սէլա։)
7 Ով դռներ, բարձրացրէք ձեր գլուխները. եւ բարձրացրէք, ով յաւիտենական դռներ, որ փառաց Թագաւորը մտնէ:
8 Ո՞վ է այդ Թագաւորը. Տէրը՝ զօրաւոր եւ ուժեղ. Տէրը՝ ուժեղ պատերազմի մէջ:
9 Ով դռներ, բարձրացրէք ձեր գլուխները, եւ բարձրացրէք, ով յաւիտանական դռներ, որ փառաց Թագաւորը մտնէ:
10 Ո՞վ է այդ փառաց Թագաւորը: Զօրաց Տէրը՝ նա է փառաց Թագաւորը: (Սէլա։)