Սաղմոս 8։1-9
Երգողների գլխաւորին։ Կիթթիթով։* Դաւիթի Սաղմոս։
8 Ով Տէր՝ մեր Տէրը, ինչ հրաշալի է քո անունը բոլոր երկրի վերայ, որ քո փառաւորութիւնը բարձրացնում ես երկնքից վեր:
2 Երեխաների եւ կաթնակերների բերանից զօրութիւն պատրաստեցիր քո թշնամիների պատճառովը, որ լռացնես թշնամիին եւ վրեժխդրութիւն անողին:
3 Երբոր տեսնում եմ քո երկինքը, քո մատների գործը՝ լուսինն ու աստղերը, որ դու հաստատեցիր,
4 Ինչ է մարդը որ դու յիշում ես նորան, եւ մարդի որդին, որ դու խնամք ես տանում նորա համար:
5 Եւ մին քիչ ցածացրիր նորան հրեշտակներիցը, բայց փառքով ու պատւով պսակեցիր նորան.
6 Դու իշխան կարգեցիր նորան քո ձեռքի գործքերի վերայ. ամեն բան նորա ոտքի տակ դրիր.
7 Ամեն ոչխարներն ու եզները եւ վայրի գազաններն էլ.
8 Երկնքի թռչունները ու ծովի ձկները, եւ ինչ որ ման է գալիս ծովի ճանապարհներումը:
9 Ով Տէր՝ մեր Տէրը, ի՜նչ հրաշալի է քո անունը բոլոր երկրի վերայ:
