Առակներ 26։1-28
26 Ինչպես ձյունը՝ ամռանը և անձրևը՝ բերքահավաքի ժամանակ+, այնպես էլ փառքը վայել չէ հիմարին+։
2 Ինչպես թռչունը փախչելու պատճառ ունի, և ծիծեռնակը՝ թռչելու, այնպես էլ անեծքը առանց հիմնավոր պատճառի չի գալիս+։
3 Մտրակը ձիու համար է+, և սանձը+՝ էշի, իսկ գավազանը հիմար մարդկանց մեջքի համար է+։
4 Հիմարին մի՛ պատասխանիր նրա հիմարության համաձայն, որ նրան չհավասարվես+։
5 Հիմարին նրա հիմարության համաձայն պատասխանիր, որ իր աչքին իմաստուն չդառնա+։
6 Գործերը հիմարի ձեռքը հանձնողը նման է նրան, ով հաշմում է իր ոտքերը, նաև նրան, ով վնասում է ինքն իրեն+։
7 Մի՞թե կաղի ոտքերը կարող են ջուր հանել։ Այդ դեպքում հիմար մարդկանց բերանում էլ առակ կա+։
8 Ինչպես քարակույտի մեջ քար պահողն է, այնպես էլ այն մարդն է, որը փառք է տալիս հիմարին+։
9 Ինչպես փշոտ մոլախոտն է հարբեցողի ձեռքում, այնպես էլ առակն է հիմարների բերանում+։
10 Ինչպես աղեղնավորն է խոցում ամեն ինչ, այնպես էլ այն մարդն է, որը վարձում է հիմարին+ կամ անցորդին։
11 Ինչպես շունն է վերադառնում իր փսխածին, այնպես էլ հիմարն է կրկնում իր հիմարությունը+։
12 Տեսե՞լ ես մի մարդու, որ իմաստուն է իր աչքին+։ Հիմարից ավելի շատ հույս կա+, քան նրանից։
13 Ծույլն ասում է. «Ճանապարհին առյո՜ւծ կա, առյո՜ւծ կա հրապարակում»+։
14 Դուռը տարուբերվում է ծխնու վրա, իսկ ծույլը շուռումուռ է գալիս իր մահճի վրա+։
15 Ծույլը իր ձեռքը ամանի մեջ է պահում. նա այնքան հոգնած է, որ չի կարողանում այն իր բերանը տանել+։
16 Հիմարն իր աչքին ավելի իմաստուն է+, քան յոթ հոգին, որ խելացի պատասխան են տալիս։
17 Այն անցորդը, որ սաստիկ զայրանում է իրեն չվերաբերող վեճի պատճառով և ներքաշվում դրա մեջ, նման է շան ականջներից բռնող մարդու+։
18 Ինչպես որ խելագարն է կրակոտ տեգեր+, նետեր ու մահ արձակում,
19 այնպես էլ այն մարդն է, որը խաբում է իր մերձավորին ու ասում. «Կատակ էի անում»+։
20 Փայտ չլինելիս կրակը հանգչում է, և զրպարտող չլինելիս կռիվը հանդարտվում է+։
21 Ինչպես փայտածուխն է խարույկի համար, և փայտը՝ կրակի, այնպես էլ կռվարար մարդն է վեճեր+ բորբոքելու համար։
22 Զրպարտողի խոսքերը նման են պատառների, որոնց ագահորեն կուլ են տալիս, և որոնք որովայնի խորքերն են իջնում+։
23 Ինչպես արծաթե ջնարակն է կավե անոթի բեկորի վրա, այնպես էլ սիրաբորբոք շուրթերն են չար սրտի հետ մեկտեղ+։
24 Ատողն իր շուրթերով իրեն անճանաչելի է դարձնում, բայց սրտում խաբեություն է դնում+։
25 Թեև նա քնքուշ ձայնով է խոսում+, մի՛ հավատա նրան+, որովհետև նրա սրտում յոթ գարշելի բան+ կա։
26 Ատելությունը խաբեությամբ է ծածկվում։ Նրա չարությունը ժողովում կբացահայտվի+։
27 Նա, ով փոս է փորում, նրա մեջ էլ կընկնի+, և նա, ով քար է գլորում, իր վրա էլ այն հետ կգա+։
28 Ստախոս լեզուն ատում է նրան+, ում ջախջախել է, և շողոքորթող բերանը կործանում է բերում+։
