Առակներ 31։1-31
31 Լեմուել թագավորի խոսքերը՝ այն ծանրակշիռ պատգամը+, որով նրա մայրը կրթեց նրան+։
2 Ի՞նչ ասեմ, ո՛վ որդիս, ի՞նչ, ո՛վ որովայնիս որդի+, և ի՞նչ, ո՛վ երդումներիս որդի+։
3 Քո ուժը կանանց մի՛ տուր+, ոչ էլ քո ճանապարհները այն բանին, որը կործանում է թագավորներին+։
4 Թագավորների բանը չէ, ո՛վ Լեմուել, թագավորների բանը չէ գինի խմելը, և բարձրաստիճան պաշտոնյաների բանը չէ ասելը, թե՝ «որտե՞ղ է ոգելից խմիչքը»+,
5 որ չլինի թե մեկը խմի ու մոռանա, թե ինչ է վճռված, և հարստահարվածների գործը խեղաթյուրի+։
6 Ոգելից խմիչքը տվեք նրան, ով ուր որ է պիտի կորչի+, իսկ գինին տվեք նրանց, ովքեր հոգով դառնացած են+։
7 Թող մարդ խմի ու մոռանա իր աղքատությունը և թող այլևս չհիշի իր վիշտը։
8 Բերանդ բաց արա անխոս մարդու փոխարեն+ և պաշտպանիր բոլոր նրանց, ովքեր ուր որ է պիտի մեռնեն+։
9 Բերանդ բաց արա, արդարությամբ դատիր և հարստահարվածի ու աղքատի դատը պաշտպանիր+։
א[Ա՛լեֆ]
10 Առաքինի* կին ո՞վ կարող է գտնել+։ Նրա արժեքը մարջանների արժեքից շատ ավելին է։
ב[Բեթ]
11 Նրա տիրոջ սիրտը վստահ է նրա վրա, և ոչ մի շահույթ չի պակասում+։
ג[Գի՛մել]
12 Իր կյանքի բոլոր օրերում նա բարիքով է հատուցել ամուսնուն և ոչ թե չարիքով+։
ד[Դա՛լեթ]
13 Նա բուրդ ու կտավ է փնտրում և պատրաստակամ ձեռքերով է գործ անում+։
ה[Հե]
14 Նա նման է վաճառականի նավերի+. իր ուտելիքը հեռվից է բերում։
ו[Վավ]
15 Նա վեր է կենում, երբ դեռ գիշեր է+, և կերակուր է տալիս իր տնեցիներին, նաև տալիս է իր աղախինների բաժինը+։
ז[Զային]
16 Նա զննում է արտը և ձեռք բերում այն+։ Իր ձեռքերի պտուղներից նա խաղողի այգի է տնկում+։
ח[Խեթ]
17 Նա ուժով է գոտևորում իր մեջքը ու զորացնում է իր բազուկները+։
ט[Տեթ]
18 Նա հասկանում է, որ իր առևտուրը լավ է ընթանում. նրա ճրագը գիշերը չի հանգչում+։
י[Յոդ]
19 Նա մեկնում է իր ձեռքերը ճախարակին և իլիկը բռնում իր ձեռքերով+։
כ[Քաֆ]
20 Իր ձեռքի ափը նա տարածում է դեպի հարստահարվածը ու իր ձեռքը մեկնում աղքատին+։
ל[Լա՛մեդ]
21 Ձյան պատճառով նա չի վախենում իր տնեցիների համար, որովհետև նրա բոլոր տնեցիները կրկնակի հանդերձներ են հագած+։
מ[Մեմ]
22 Իր համար նա ծածկոցներ+ է պատրաստում։ Նրա հագուստը կտավից ու ծիրանիով ներկված բրդից է+։
נ[Նուն]
23 Նրա տերը+ ճանաչված է դարպասների մոտ+, երբ նստում է երկրի երեցների հետ։
ס[Սա՛մեխ]
24 Նա ներքնազգեստներ+ է կարում և վաճառում դրանք, գոտիներն էլ տալիս է առևտրականներին։
ע[Ային]
25 Ուժն ու շքեղությունը նրա հագուստն են+, և նա ուրախությամբ է նայում գալիք օրվան+։
פ[Փե]
26 Իր բերանը նա իմաստությամբ է բաց անում+, և սիրառատ բարության օրենքը նրա լեզվի վրա է+։
צ[Ցա՛դե]
27 Նա հետևում է իր տան գործերին և ծուլության հացը չի ուտում+։
ק[Կոֆ]
28 Նրա որդիները վեր են կենում ու նրան երջանիկ անվանում+, նրա տերը նույնպես վեր է կենում և գովում նրան+։
ר[Ռեշ]
29 Շատ աղջիկներ+ կան, որ առաքինություն են ցույց տվել, բայց դու գերազանցում ես նրանց բոլորին+։
ש[Շին]
30 Հմայքը կարող է սուտ լինել+ և գեղեցկությունը՝ ունայն+, բայց այն կինը, որը վախենում է Եհովայից, գովասանքի կարժանանա+։
ת[Թավ]
31 Տվեք նրան իր ձեռքի պտուղը+, և թող որ նրա գործերը գովաբանեն նրան դարպասների մոտ+։
Ծանոթագրություններ
^ Կամ՝ «շնորհալի»։
