Առակներ 5։1-23
5 Որդի՛ս, ուշադրություն դարձրու իմ իմաստությանը+։ Ականջ դիր իմ խորաթափանցությանը+,
2 որպեսզի պահես խորհելու կարողությունը+. և թող շուրթերդ գիտելիք պահպանեն+։
3 Օտար կնոջ շուրթերը մեղրախորիսխի պես մեղր են կաթեցնում+, և նրա քիմքը յուղից ավելի փափուկ է+։
4 Բայց նրանից եկող հետևանքները օշինդրի պես դառն են+ և սուր են, ինչպես երկսայրի սուրը+։
5 Նրա ոտքերը դեպի մահ են իջնում+։ Նրա քայլերը գերեզման* են տանում+։
6 Կյանքի ուղու մասին նա չի խորհում+։ Թե որտեղ են թափառում իր քայլերը, նա չի իմանում+։
7 Ուստի հիմա, որդինե՛ր, լսեք ինձ+ և իմ բերանի խոսքերից մի՛ հեռացեք+։
8 Քո ճանապարհը նրանից հեռու պահիր և նրա տան մուտքին մի՛ մոտեցիր+,
9 որ քո արժանապատվությունը ուրիշներին չտաս+, ոչ էլ քո տարիները՝ դաժան հանգամանքներին+,
10 որ օտարները քո զորությամբ չկշտանան+, և այն ամենը, որ ցավով ես վաստակել, օտարականի տանը չլինի+,
11 որ ապագայում ստիպված չլինես հեծեծել+, երբ միսդ ու ամբողջ մարմինդ հյուծվեն+,
12 և ստիպված լինես ասելու. «Ինչպե՜ս ես ատեցի խրատը*+, և ինչպե՜ս սիրտս արհամարհեց հանդիմանությունը+։
13 Ես չլսեցի ինձ խրատողների ձայնին+ և ականջ չդրեցի իմ ուսուցիչներին+։
14 Ժողովի և հանրության մեջ+ հեշտությամբ ներքաշվեցի ամեն տեսակ չարիքի մեջ»+։
15 Դու քո ջրամբարից ջուր խմիր, և հոսող ջուրը՝ քո ջրհորից+։
16 Ինչո՞ւ քո աղբյուրները դրսում տարածվեն+, և քո ջրերի վտակները՝ հրապարակներում։
17 Թող միայն քոնը լինեն, այլ ոչ թե և՛ քոնը, և՛ օտարինը+։
18 Թող քո ջրի աղբյուրը օրհնյալ լինի+, և ուրախացիր քո երիտասարդության կնոջ հետ+՝
19 սիրելի եղնիկի և հմայիչ այծյամի*+ հետ։ Թող նրա ստինքները հարբեցնեն քեզ ամեն ժամանակ+։ Անդադար նրա սիրով զմայլվիր+։
20 Ինչի՞ համար, որդի՛ս, օտար կնոջով զմայլվես կամ օտարական կնոջ կուրծքը գրկես+։
21 Մարդու ճանապարհները Եհովայի աչքերի առաջ են+, և նա դիտում է նրա բոլոր շավիղները+։
22 Ամբարշտին իր իսկ հանցանքները կբռնեն+, և իր իսկ մեղքի պարաններով նա կկապվի+։
23 Նա կմեռնի, քանի որ խրատ չընդունեց+, և իր հիմարության շատության պատճառով նա շեղվում է ճանապարհից+։
