Եզեկիել 47։1-23
47 Նա հետ բերեց ինձ Տան մուտքի մոտ+, և ահա Տան շեմքի տակից ջուր+ էր հոսում դեպի արևելք+, քանի որ Տան առջևի մասը ուղղված էր դեպի արևելք։ Ջուրը հոսում էր տակից՝ Տան աջ կողմից, և զոհասեղանի հարավային կողմով։
2 Նա դուրս տարավ ինձ հյուսիսային դարպասով+ և դրսի կողմով տարավ դեպի արևելք ուղղված դրսի դարպասը+, և ահա բարակ ջուր+ էր հոսում աջ կողմից։
3 Երբ այդ մարդը, չափման լարը ձեռքին+, գնաց դեպի արևելք, նա չափեց հազար կանգուն և ինձ անցկացրեց ջրի միջով։ Ջուրը հասնում էր ոտքերիս կոճերին։
4 Նա մի հազար էլ չափեց և ինձ անցկացրեց ջրի միջով։ Ջուրը հասնում էր ծնկներիս։
Հետո նա մի հազար էլ չափեց և նորից անցկացրեց ինձ ջրի միջով։ Ջուրը հասնում էր գոտկատեղիս։
5 Նա մի հազար էլ չափեց, և այն արդեն հեղեղատ էր, որը չէի կարող անցնել, քանի որ ջրերը հորդել էին։ Հեղեղատը հնարավոր չէր անցնել առանց լողալու։
6 Այդ ժամանակ նա հարցրեց ինձ. «Տեսա՞ր սա, ո՛վ մարդու որդի»։
Հետո նա տարավ ինձ ու հետ բերեց հեղեղատի ափը։
7 Երբ վերադարձա, ահա հեղեղատի ափին՝ այս կողմում և այն կողմում, խիստ շատ ծառեր կային+։
8 Նա ասաց ինձ. «Այս ջուրը հոսում է դեպի արևելյան շրջանը, անցնում է Արաբայով+ և թափվում ծովը*+։ Այն թափվում է ծովը+, և դրա ջրերը բուժվում են։
9 Ամենուրեք, ուր կհոսի այդ հեղեղատը*, վխտացող ամեն կենդանի հոգի+ կկարողանա ապրել։ Այնտեղ անչափ շատ ձկներ կլինեն, որովհետև այդ ջրերը կգան, ու ծովի ջրերը կբուժվեն+. ուր որ հեղեղատը լցվի, ամեն ինչ կենդանի կլինի։
10 Ձկնորսները կկանգնեն ծովի ափին՝ Ենգադիից+ մինչև Ենեգլայիմ։ Այնտեղ ուռկաններ չորացնելու տեղ կլինի։ Անչափ շատ ձկներ կլինեն այնտեղ՝ ըստ իրենց տեսակի, ինչպես Մեծ ծովում*+։
11 Դրա տղմոտ ու ճահճոտ տեղերը չեն ապաքինվի+, այլ կմատնվեն աղին+։
12 Հեղեղատի երկայնքով՝ նրա ափերին՝ այս կողմում և այն կողմում, ամեն տեսակ պտղատու ծառեր կլինեն+։ Դրանց տերևները չեն թառամի+, ու պտուղները չեն վերջանա+։ Ամեն ամիս դրանք նոր պտուղ կտան, քանի որ ջուրը դրանց համար սրբարանից է հոսում+։ Դրանց պտուղը ուտելու համար կլինի, իսկ տերևները՝ բուժելու»+։
13 Այսպես է ասում Գերիշխան Տեր Եհովան. «Սա է այն տարածքը, որը դուք կնշանակեք ձեզ համար որպես ժառանգություն՝ որպես երկիր՝ Իսրայելի տասներկու ցեղերի համար։ Դաշտի երկու բաժինները Հովսեփինը կլինեն+։
14 Դուք կժառանգեք այն, յուրաքանչյուրն այնքան, որքան իր եղբայրը։ Կժառանգեք այն երկիրը, որը ձեռքս բարձրացնելով՝ երդվել եմ+ տալ ձեր նախահայրերին+։ Այդ երկիրը բաժին կընկնի ձեզ որպես ժառանգություն+։
15 Սա է երկրի հյուսիսային սահմանը Մեծ ծովից Եթլոն+ գնացող ճանապարհով՝ դեպի Սեդադ+,
16 Եմաթ+, Բերոթա+, Սիբրայիմ, որը Դամասկոսի+ սահմանի ու Եմաթի սահմանի միջև է, դեպի Ասեր-Աթթիքոն, որն ուղղված է Ավրանի+ սահմանի կողմը։
17 Ծովի կողմից սահմանը կանցնի դեպի Ասար-Ենոն+՝ Դամասկոսի սահմանը, այնուհետև ավելի հյուսիս՝ դեպի հյուսիս, և Եմաթի սահմանը+. դա հյուսիսային կողմն է։
18 Արևելյան կողմը անցնում է Ավրանի+ ու Դամասկոսի+ մեջտեղով, Գաղաադի+ և Իսրայելի երկրի մեջտեղով՝ Հորդանանին+ զուգահեռ։ Չափեք սահմանից մինչև արևելյան ծովն* ընկած տարածությունը։ Դա արևելյան կողմն է։
19 Հարավային կողմն անցնում է Թամարից+ մինչև Մերիբա-Կադեսի ջրերը+, մինչև գետահովիտը+ և հասնում Մեծ ծով։ Դա հարավային կողմն է, որն ուղղված է դեպի Նեգև։
20 Արևմտյան կողմը Մեծ ծովն է՝ հարավային սահմանից ուղիղ դեպի Եմաթի սահմանը+։ Դա արևմտյան կողմն է»։
21 «Երկիրը բաժանեք ձեր՝ Իսրայելի տասներկու ցեղերի միջև։
22 Երկիրը որպես ժառանգություն պետք է բաշխեք ձեր+ և ձեր մեջ բնակվող պանդուխտների միջև+, որոնք ձեր մեջ որդիներ են ունեցել։ Նրանք ձեզ համար բնիկի պես պիտի լինեն Իսրայելի որդիների մեջ։ Նրանց, ինչպեսև ձեզ, Իսրայելի ցեղերի մեջ ժառանգություն պիտի հասնի+։
23 Որ ցեղում որ պանդուխտը բնակություն է հաստատել, այնտեղ էլ նրան ժառանգություն տվեք»,– ասում է Գերիշխան Տեր Եհովան։
Ծանոթագրություններ
^ Այսինքն՝ Մեռյալ ծովը։
^ Բռց.՝ «երկու հեղեղատները»։ Ցույց է տալիս, որ հեղեղատի չափը կրկնապատկվել է։
^ Այսինքն՝ Միջերկրական ծովում։
^ Այսինքն՝ Մեռյալ ծովը։
