Եզեկիել 8։1-18
8 Վեցերորդ տարվա վեցերորդ ամսում՝ ամսվա հինգերորդ օրը, երբ ես նստած էի իմ տանը, և Հուդայի երեցները նստած էին իմ առաջ+, Գերիշխան Տեր Եհովայի ձեռքն իջավ ինձ վրա+։
2 Ես նայեցի ու տեսա ինչ-որ կերպարանք, որը կրակի նմանություն ուներ+։ Նրա գոտկատեղի կերպարանքից ներքև կրակ էր+, իսկ գոտկատեղից վերև՝ փայլի նմանությամբ մի բան, որը նման էր ոսկու և արծաթի ձուլվածքի առկայծմանը+։
3 Նա ձեռքի պես մի բան մեկնեց+ ու բռնեց իմ մազերի փնջից, և ոգին+ տարավ ինձ երկրի ու երկնքի մեջտեղը և Աստծուց տրված տեսիլքներում բերեց Երուսաղեմ+՝ ներքին դարպասի+ մուտքի մոտ՝ ուղղված դեպի հյուսիս, որտեղ գտնվում է խանդի* կուռքը, որը խանդ է գրգռում+։
4 Եվ ահա այնտեղ Իսրայելի Աստծու փառքն էր+, որի կերպարանքը հիշեցնում էր այն, ինչ տեսել էի դաշտահովտում։
5 Նա ասաց ինձ. «Մարդո՛ւ որդի, խնդրում եմ, աչքերդ դեպի հյուսիս բարձրացրու»։ Ես աչքերս բարձրացրի դեպի հյուսիս և դեպի զոհասեղանը տանող դարպասից հյուսիս՝ մուտքի մոտ, տեսա խանդի կուռքը+։
6 Եվ նա շարունակեց. «Մարդո՛ւ որդի, տեսնո՞ւմ ես այն անչափ գարշելի բաները, որ նրանք անում են+՝ այն բաները, որ Իսրայելի տունն այստեղ անում է, որպեսզի ես հեռանամ իմ սրբարանից+։ Սակայն դու առավել գարշելի բաներ կտեսնես»։
7 Հետո նա բերեց ինձ գավիթի մուտքի մոտ, ու ես մի անցք տեսա պատի մեջ։
8 Եվ նա ասաց ինձ. «Մարդո՛ւ որդի, խնդրում եմ, մի խոռոչ բացիր այս պատի մեջ»+։ Ես պատի մեջ խոռոչ բացեցի և մի մուտք տեսա։
9 Հետո նա ասաց. «Մտիր ու տես, թե ինչ ահավոր գարշելի բաներ են նրանք այստեղ անում»+։
10 Ես մտա ու պատերի վրա՝ շուրջբոլորը, տեսա տարբեր սողունների, զզվելի գազանների+ քանդակված պատկերներ+ և Իսրայելի տան բոլոր գարշելի կուռքերը*+։
11 Դրանց առաջ կանգնած էին Իսրայելի տան յոթանասուն+ երեցները և նրանց հետ նաև Հեզոնիան՝ Սաֆանի+ որդին։ Ամեն մեկի ձեռքում բուրվառ կար, և խնկի անուշահոտ ամպ էր բարձրանում+։
12 Եվ նա ասաց ինձ. «Տեսնո՞ւմ ես, ո՛վ մարդու որդի, թե Իսրայելի տան երեցները մթության+ մեջ ինչ են անում ներքին սենյակներում, որտեղ յուրաքանչյուրն իր պատկերավոր կոթողն ունի։ Նրանք ասում են. «Եհովան չի տեսնում մեզ+։ Եհովան լքել է երկիրը»»։
13 Նա շարունակեց. «Սակայն դու է՛լ ավելի գարշելի բաներ կտեսնես, որ նրանք անում են»+։
14 Նա ինձ բերեց Եհովայի տան դարպասի մուտքի մոտ, որն ուղղված է դեպի հյուսիս, և ահա այնտեղ կանայք էին նստած, որոնք լաց էին լինում Թամուզ աստծու վրա։
15 Հետո նա ասաց. «Տեսնո՞ւմ ես սա, ո՛վ մարդու որդի, սակայն դու առավել գարշելի+՝ սրանցից ավելի վատ բաներ կտեսնես»։
16 Նա տարավ ինձ Եհովայի տան ներսի գավիթը+, և ահա Եհովայի տաճարի մուտքի մոտ՝ նախասրահի ու զոհասեղանի մեջտեղը+, քսանհինգ տղամարդ+ կար, որոնք մեջքով դեպի Եհովայի տաճարն էին կանգնած+, իսկ նրանց երեսն ուղղված էր դեպի արևելք. նրանք խոնարհվում էին արևելքի ուղղությամբ՝ արևի առաջ+։
17 Նա ասաց ինձ. «Տեսնո՞ւմ ես սա, ո՛վ մարդու որդի։ Մի՞թե Հուդայի տան համար չնչին բան է այստեղ գարշելի բաներ անելը, որ հիմա էլ երկիրը բռնությամբ է լցրել+, դարձյալ վիրավորում է ինձ և ճյուղ է մեկնում քթիս*։
18 Ես էլ կգործեմ իմ ցասումով+։ Իմ աչքը չի խնայի, ես չեմ կարեկցի+։ Թեև ականջիս բարձրաձայն բղավեն էլ, ես նրանց չեմ լսի»+։
Ծանոթագրություններ
^ Անկասկած, գործածվ. էր կռապաշտական նկատառումներով։
