Ելք 19։1-25
19 Եգիպտոսի երկրից դուրս գալուց հետո երրորդ ամսում+՝ հենց այդ նույն օրը, Իսրայելի որդիները եկան Սինա անապատ+։
2 Նրանք Ռաֆիդիմից+ ճանապարհ ընկան ու եկան Սինա անապատ և ճամբար դրեցին անապատում+։ Այնտեղ՝ լեռան դիմաց+, Իսրայելը ճամբար դրեց։
3 Մովսեսը բարձրացավ ճշմարիտ Աստծու մոտ, և Եհովան կանչեց նրան լեռան վրայից+՝ ասելով. «Այսպես ասա Հակոբի տանը և հայտնիր Իսրայելի որդիներին.
4 «Դուք տեսաք, թե ես ինչ արեցի եգիպտացիներին+, որպեսզի արծվի թևերի վրա տանեմ ձեզ և ինձ մոտ բերեմ+։
5 Եվ հիմա եթե ամեն ինչում հնազանդվեք+ իմ ձայնին ու պահեք իմ ուխտը+, այդ դեպքում մնացած բոլոր ժողովուրդների միջից իմ հատուկ սեփականությունը կդառնաք+, որովհետև ամբողջ երկիրը ինձ է պատկանում+։
6 Ինձ համար դուք քահանաների թագավորություն և սուրբ ազգ կդառնաք»+։ Սրանք են այն խոսքերը, որ պետք է ասես Իսրայելի որդիներին»։
7 Մովսեսը եկավ, կանչեց ժողովրդի երեցներին+ և նրանց հայտնեց այն բոլոր խոսքերը, որ Եհովան պատվիրել էր իրեն+։
8 Դրանից հետո ամբողջ ժողովուրդը միաձայն ասաց. «Եհովայի բոլոր ասածները կանենք»+։ Մովսեսն էլ ժողովրդի խոսքերը իսկույն հաղորդեց Եհովային+։
9 Եհովան ասաց Մովսեսին. «Ես քեզ մոտ կգամ մութ ամպի մեջ+, որ երբ խոսեմ քեզ հետ+, ժողովուրդը լսի և քեզ նույնպես միշտ հավատա»+։ Մովսեսը ժողովրդի խոսքերը հաղորդեց Եհովային։
10 Եհովան շարունակեց խոսել Մովսեսի հետ. «Գնա ժողովրդի մոտ և այսօր ու վաղը սրբացրու նրանց, և նրանք թող լվանան իրենց թիկնոցները+։
11 Նրանք պետք է պատրաստ լինեն երրորդ օրվան, որովհետև երրորդ օրը Եհովան ամբողջ ժողովրդի աչքի առաջ կիջնի Սինա լեռան վրա+։
12 Լեռան շուրջբոլորը սահմաններ դիր ժողովրդի համար և ասա. «Զգույշ եղեք, որ լեռը չբարձրանաք, և դրա փեշին չդիպչեք։ Եթե որևէ մեկը դիպչի լեռանը, անպատճառ պիտի սպանվի+։
13 Ոչ մի ձեռք չպետք է դիպչի օրինազանցին, որովհետև նա անպատճառ պիտի քարկոծվի կամ խոցվի։ Անասուն լինի թե մարդ՝ չպիտի ապրի»+։ Երբ խոյի եղջյուրի+ ձայնը հնչի, այդ ժամանակ կարող են մոտենալ լեռանը»։
14 Հետո Մովսեսը լեռան վրայից իջավ ժողովրդի մոտ ու սրբացրեց ժողովրդին, նրանք էլ լվացին իրենց թիկնոցները+։
15 Ապա նա ասաց ժողովրդին. «Պատրաստվեք+ երեք օր։ Տղամարդի՛կ, կանանց հետ հարաբերություն չունենաք*»+։
16 Երրորդ օրը՝ առավոտյան, որոտներ ու կայծակներ եղան+, նաև մի թանձր ամպ+ հայտնվեց լեռան վրա, և եղջյուրի+ մի ուժգին ձայն լսվեց, այնպես, որ ճամբարում եղող ամբողջ ժողովուրդը դողաց+։
17 Մովսեսը ժողովրդին հանեց ճամբարից ու տարավ ճշմարիտ Աստծուն ընդառաջ, և նրանք կանգնեցին լեռան ստորոտի մոտ+։
18 Սինա լեռը ամբողջությամբ ծխի մեջ էր+, քանի որ Եհովան կրակի+ մեջ իջել էր դրա վրա. լեռան ծուխը բարձրանում էր ինչպես թրծավառարանի ծուխ+, և ամբողջ լեռը սաստիկ ցնցվում էր+։
19 Երբ եղջյուրի ձայնը ավելի ու ավելի բարձրացավ, Մովսեսը սկսեց խոսել, և ճշմարիտ Աստված ձայնով պատասխանում էր նրան+։
20 Եհովան Սինա լեռան վրա՝ դրա գագաթին իջավ։ Հետո Եհովան Մովսեսին կանչեց դեպի լեռան գագաթը, և Մովսեսը բարձրացավ+ այնտեղ։
21 Ապա Եհովան նրան ասաց. «Իջիր և զգուշացրու ժողովրդին, որ չփորձեն սահմանն անցնել, մոտենալ Եհովային ու նայել նրան, այլապես նրանցից շատերը կմեռնեն+։
22 Քահանաները, որոնք կանոնավորաբար մոտենում են Եհովային, նույնպես թող սրբացնեն իրենց+, որ Եհովայի բարկությունը չբռնկվի նրանց դեմ»+։
23 Մովսեսն էլ ասաց Եհովային. «Ժողովուրդը չի կարող բարձրանալ Սինա լեռը, որովհետև դու արդեն զգուշացրել ես մեզ ու ասել. «Սահմաններ դիր լեռան մոտ և սուրբ դարձրու այն»»+։
24 Սակայն Եհովան ասաց նրան. «Գնա, իջիր և հետո բարձրացիր Ահարոնի հետ, բայց քահանաներն ու ժողովուրդը թող սահմանից չանցնեն և չբարձրանան Եհովայի մոտ, որպեսզի նրա բարկությունը չբռնկվի նրանց դեմ»+։
25 Մովսեսն իջավ ժողովրդի մոտ ու ասաց այդ ամենը+։
Ծանոթագրություններ
^ Բռց.՝ «կնոջ չմոտենաք»։
