Եսայիա 62։1-12
62 Հանուն Սիոնի չեմ լռելու+ և հանուն Երուսաղեմի+ հանգիստ չեմ կանգնելու, քանի դեռ ի հայտ չի եկել նրա արդարությունը, ինչպես պայծառություն+, և նրա տված փրկությունը, ինչպես վառվող ջահ+։
2 «Ազգերը կտեսնեն քո արդարությունը+, ո՛վ կին+, և բոլոր թագավորները՝ քո փառքը+։ Դու նոր անունով կկոչվես+, որը Եհովան իր բերանով կտա։
3 Դու գեղեցկության պսակ կդառնաս Եհովայի ձեռքում+, արքայական խույր՝ քո Աստծու ձեռքի ափում։
4 Քո մասին այլևս չեն ասի, թե դու լքված կին ես+, և քո երկրի մասին չեն ասի, թե ամայի է+, այլ քեզ կկոչեն «Իմ հաճությունը նրանում է»+, ու քո երկրին՝ «Կին, որին տիրացել են», որովհետև Եհովայի հաճությունը քեզանում կլինի, և քո երկրին կտիրանան որպես կնոջ+։
5 Ինչպես որ երիտասարդն է կույսին կնության առնում ու դառնում նրա տերը, այնպես էլ քո որդիները կնության կառնեն քեզ ու քո տերը կդառնան+։ Քո Աստվածը կցնծա քեզնով+, ինչպես որ փեսան է ցնծում հարսնացուով+։
6 Պարիսպներիդ վրա, ո՛վ Երուսաղեմ, ես դետեր եմ նշանակել+։ Թող նրանք երբեք չլռեն՝ ո՛չ գիշերը, ո՛չ ցերեկը+։
Մի՛ լռեք+, դուք՝ Եհովայի մասին խոսողներդ+,
7 հանգիստ մի՛ տվեք նրան, մինչև որ նա հաստատի Երուսաղեմը և այն գովելի դարձնի երկրի վրա»+։
8 Եհովան, բարձրացնելով իր աջ ձեռքն+ ու հզոր բազուկը+, երդվել է. «Քո հացահատիկն այլևս չեմ տա թշնամիներիդ որպես կերակուր+, և ոչ էլ օտարականները կխմեն քո նոր գինին+, որի համար տքնաջան աշխատել ես,
9 այլ ամբարողներն այն կուտեն ու կգովաբանեն Եհովային, և հավաքողները այն կխմեն իմ սուրբ գավիթներում»+։
10 Անցե՛ք, անցե՛ք դարպասների միջով։ Մաքրե՛ք ժողովրդի ճանապարհը+։ Թո՛ւմբ պատրաստեք, թո՛ւմբ պատրաստեք գլխավոր ճանապարհի համար։ Այն մաքրե՛ք քարերից+։ Ժողովուրդների համար նշանասյո՛ւն կանգնեցրեք+։
11 Եհովան այնպես է արել, որ այդ մասին լսվի երկրի ամենահեռավոր մասերում+. «Ասացե՛ք Սիոնի դստերը+. «Ահա քո փրկությունը գալիս է+։ Վարձատրությունը, որը նա տալիս է, իր հետ է+, և հատուցումը, որը նա տալիս է, իր առաջ է»»+։
12 Նրանց կկոչեն սուրբ ժողովուրդ+, Եհովայի կողմից փրկագնվածներ+։ Իսկ դու կկոչվես «Փնտրված քաղաք, որը լքված չէ»+։
