Երեմիա 17։1-27
17 «Հուդայի մեղքը երկաթե գրչով է գրված+, ադամանդե գրչածայրով փորագրված է նրանց սրտերի տախտակների+ և նրանց զոհասեղանների եղջյուրների վրա+։
2 Նույնիսկ նրանց որդիներն են հիշում նրանց զոհասեղաններն ու սուրբ ձողերը սաղարթախիտ ծառերի կողքին, բարձր բլուրների վրա+,
3 դաշտի միջի լեռների վրա։ Քո հարստությունը, քո բոլոր գանձերը ավարի պիտի մատնեմ+, նաև քո բարձունքները՝ մեղքերիդ պատճառով, որ գործում ես քո բոլոր սահմաններում+։
4 Քո կամքով դու զրկվեցիր այն ժառանգությունից, որը քեզ էի տվել+։ Քեզ ծառայեցնել կտամ քո թշնամիներին այն երկրում, որը դու չգիտես+, որովհետև դուք կրակի պես վառվում եք իմ զայրույթի մեջ+, և այն դարեդար չպիտի հանգչի»։
5 Այսպես է ասում Եհովան. «Անիծված է այն մարդը, որն իր հույսը մարդու վրա է դնում+ և մարմինը իր ապավենն* է դարձնում+, և որի սիրտը հեռանում է Եհովայից+։
6 Նա կլինի ինչպես միայնակ ծառը անապատում, և երբ բարիք գա, չի նկատի+, կբնակվի անապատի այրված տեղերում, մի անբնակ ու աղուտային երկրում+։
7 Օրհնված է այն մարդը, որն իր հույսը Եհովայի վրա է դնում, և որի ապավենը Եհովան է+։
8 Նա նման կլինի ջրերի մոտ տնկված ծառի, որն իր արմատները ջրի հոսանքի մոտ է գցում։ Տոթը նա չի տեսնի, և նրա տերևները միշտ խիտ կլինեն+։ Երաշտի+ տարում չի անհանգստանա և չի դադարի պտուղ տալուց։
9 Նենգավոր է սիրտը ամեն բանից առավել և անհուսալի+։ Ո՞վ կարող է հասկանալ նրան։
10 Ես՝ Եհովաս, քննում եմ սիրտը+ և զննում եմ երիկամները+, որպեսզի յուրաքանչյուրին իր ճանապարհի+ ու իր գործերի պտղի համեմատ հատուցեմ+։
11 Անարդար ճանապարհով հարստություն դիզողը+ իր չածածը հավաքող* կաքավի պես է։ Իր օրերի կեսին նա պիտի թողնի այն+, և իր վախճանի ժամանակ կերևա նրա անմտությունը»+։
12 Ի սկզբանե փառավոր գահը բարձրում է+. այն մեր սրբարանի տեղն է+։
13 Ո՜վ Եհովա, Իսրայելի՛ հույս+, բոլոր նրանք, ովքեր թողնում են քեզ, պիտի ամաչեն+։ Քեզ* ուրացողների+ անունները հողի վրա են գրվելու, որովհետև նրանք թողեցին կենդանի ջրի աղբյուրին՝ Եհովային+։
14 Բուժի՛ր ինձ, ո՛վ Եհովա, և ես կապաքինվեմ+։ Փրկի՛ր ինձ, և ես կփրկվեմ+, որովհետև դու ես իմ գովաբանությունը+։
15 Նրանք ինձ ասում են. «Ո՞ւր է Եհովայի խոսքը+. թող կատարվի»։
16 Բայց ես հետ չքաշվեցի քո հետևից եկող հովիվ լինելուց և աղետալի օրվան չփափագեցի։ Դու ինքդ գիտես իմ շրթունքներից դուրս եկածը. այն քո երեսի առաջ է։
17 Ինձ համար արհավիրք մի՛ եղիր+։ Դու ես իմ ապավենը նեղության օրը+։
18 Ինձ հալածողները թող ամաչեն+, բայց ես չամաչեմ+, թող նրանք զարհուրեն, բայց ես չզարհուրեմ։ Նեղության օր բեր նրանց գլխին+ և կրկնակի կոտորածով կոտորիր+։
19 Եհովան ինձ այսպես ասաց. «Գնա և կանգնիր ժողովրդի որդիների դարպասների մոտ, որոնցով Հուդայի թագավորները մտնում ու դուրս են գալիս, և Երուսաղեմի բոլոր դարպասների մոտ+։
20 Ու ասա նրանց. «Լսեցե՛ք Եհովայի խոսքը, ո՛վ Հուդայի թագավորներ, ո՛վ ամբողջ Հուդա և Երուսաղեմի բոլո՛ր բնակիչներ, որ մտնում եք այս դարպասներով+։
21 Այսպես է ասում Եհովան. «Զգուշացե՛ք ձեր հոգիների համար+, եթե բեռ ունեք, որ պիտի բերեք Երուսաղեմի դարպասներով, ապա մի՛ արեք դա շաբաթ օրը+։
22 Ձեր տներից շաբաթ օրը բեռ մի՛ հանեք ու ոչ մի գործ մի՛ արեք+։ Շաբաթ օրը սուրբ պահեք, ինչպես որ ձեր հայրերին պատվիրեցի+,
23 բայց նրանք չլսեցին և իրենց ականջը չխոնարհեցրին+, այլ համառություն արեցին*+, որպեսզի չլսեն ու խրատ* չընդունեն»»+։
24 «Եվ եթե ամբողջությամբ հնազանդվեք ինձ+,– ասում է Եհովան,– շաբաթ օրը այս քաղաքի դարպասներով բեռ չբերեք+ և սուրբ պահեք այդ օրը՝ ոչ մի գործ չանելով+,
25 այդ ժամանակ այս քաղաքի դարպասներով ներս կմտնեն Դավթի գահին նստող+ թագավորներ ու իշխաններ+՝ կառքեր նստած ու ձիեր հեծած, իրենք ու իրենց իշխանները, Հուդայի մարդիկ և Երուսաղեմի բնակիչները։ Եվ այս քաղաքը դարեդար բնակեցված կլինի։
26 Հուդայի քաղաքներից, Երուսաղեմի շրջակայքից, Բենիամինի երկրից+, դաշտավայրից+, լեռնային շրջանից+ և Նեգևից+ մարդիկ կգան և ողջակեզ+, զոհ+, հացի ընծա+ ու կնդրուկ+ կբերեն և երախտագիտության զոհ կբերեն Եհովայի տուն+։
27 Իսկ եթե շաբաթ օրը սրբացնելու և բեռներ չբերելու իմ պատվերին չհնազանդվեք+ ու Երուսաղեմի դարպասներով շաբաթ օրը բեռներ ներս բերեք, ես էլ նրա դարպասների մեջ կրակ կվառեմ+, և այն կլափի Երուսաղեմի բնակելի աշտարակներն+ ու չի հանգչի»»+։
Ծանոթագրություններ
^ Բառացի՝ «բազուկը»։
^ Կամ.՝ «չածածի վրա թուխս նստող»։
^ Բառացի՝ «ինձ»։ Հվնբր վերաբ. է Եհովային։
^ Բառացի՝ «խստացրին իրենց պարանոցը»։
