Հեսու 12։1-24
12 Սրանք են այն երկրի թագավորները, որոնց Իսրայելի որդիները պարտության մատնեցին և որոնց երկրին տիրեցին Հորդանանի այն կողմում, որտեղ ծագում է արևը+՝ Առնոնի+ գետահովտից մինչև Հերմոն+ լեռը և ամբողջ Արաբան+՝ դեպի արևելյան կողմը.
2 ամորհացիների Սեհոն+ թագավորը, որ բնակվում էր Եսեբոնում+, և որի տիրապետության տակ էր Արոերից+ սկսվող տարածքը, որ գտնվում էր Առնոնի+ գետահովտի եզերքին, գետահովտի մեջտեղի մասը, Գաղաադի կեսը՝ մինչև Հաբոկի+ գետահովիտը՝ Ամմոնի որդկանց սահմանը,
3 նաև Արաբան+՝ մինչև Քեներեթի ծովի*+ արևելյան կողմը և մինչև Արաբայի ծովը՝ Աղի ծովը+, դեպի արևելք՝ Բեթ-Եսիմոթի+ ուղղությամբ, և դեպի հարավ՝ մինչև Փասգայի+ լանջերը։
4 Բասանի Օգ+ թագավորը, որը ռաֆայիմներից+ էր մնացել և բնակվում էր Աստարոթում+ ու Եդրայիում+,
5 և որի տիրապետության տակ էր Հերմոն+ լեռը, Սելքան, ամբողջ Բասանը+՝ մինչև գեսուրացիների+ ու մաքաթացիների+ սահմանը, և Գաղաադի կեսը՝ մինչև Եսեբոնի+ Սեհոն+ թագավորի տարածքը։
6 Եհովայի ծառա Մովսեսը և Իսրայելի որդիները պարտության մատնեցին նրանց+, որից հետո Եհովայի ծառա Մովսեսը նրանց տարածքները որպես սեփականություն տվեց Ռուբենյաններին+, Գադյաններին+ ու Մանասեի կես ցեղին+։
7 Սրանք են այն երկրի թագավորները, որոնց Հեսուն և Իսրայելի որդիները պարտության մատնեցին Հորդանանի արևմտյան կողմում՝ Լիբանանի+ դաշտահովտում գտնվող Բաալ-Գադից+ դեպի Սեիր+ բարձրացող Քալակ+ լեռը, որից հետո Հեսուն նրանց երկիրը որպես սեփականություն տվեց Իսրայելի ցեղերին՝ բաժանելով նրանց միջև+
8 լեռնային շրջանը, Շեֆելան, Արաբան, լեռների ստորոտները, անապատը և Նեգևը+, այսինքն՝ քետացիների, ամորհացիների+, քանանացիների, փերեզացիների, խևացիների ու հեբուսացիների+ երկրները.
9 Երիքովի+ թագավորը՝ մեկ, Բեթելի մոտ գտնվող Գայիի+ թագավորը՝ մեկ,
10 Երուսաղեմի+ թագավորը՝ մեկ, Քեբրոնի+ թագավորը՝ մեկ,
11 Հերիմութի+ թագավորը՝ մեկ, Լաքիսի+ թագավորը՝ մեկ,
12 Եգլոնի+ թագավորը՝ մեկ, Գազերի+ թագավորը՝ մեկ,
13 Դաբիրի+ թագավորը՝ մեկ, Գադերի թագավորը՝ մեկ,
14 Հորմայի թագավորը՝ մեկ, Արադի թագավորը՝ մեկ,
15 Լեբնայի+ թագավորը՝ մեկ, Ոդողոմի թագավորը՝ մեկ,
16 Մակեդայի+ թագավորը՝ մեկ, Բեթելի+ թագավորը՝ մեկ,
17 Թափուայի թագավորը՝ մեկ, Օֆերի+ թագավորը՝ մեկ,
18 Աֆեկի թագավորը՝ մեկ, Լասարոնի թագավորը՝ մեկ,
19 Մադոնի+ թագավորը՝ մեկ, Հասորի+ թագավորը՝ մեկ,
20 Սամրոն-Մառոնի թագավորը՝ մեկ, Աքսափի+ թագավորը՝ մեկ,
21 Թանաքի թագավորը՝ մեկ, Մեգիդոյի+ թագավորը՝ մեկ,
22 Կեդեսի թագավորը՝ մեկ, Հեկնամի+ թագավորը Կարմեղոսում՝ մեկ,
23 Դորի թագավորը Դորի+ բարձրավանդակում՝ մեկ, Գոյիմի թագավորը Գաղգաղայում՝ մեկ,
24 Թերսայի թագավորը՝ մեկ.
ամենքը միասին՝ երեսունմեկ թագավոր+։
