Սաղմոս 108։1-13
Երգ։ Դավթի սաղմոսը։
108 Սիրտս պինդ է, ո՜վ Աստված+։Պիտի երգեմ ու սաղմոս ասեմ+,Իմ փառքը պիտի երգի ու սաղմոս ասի+։
2 Արթնացի՛ր, տավի՛ղ, և դու, քնա՛ր+։Ես կարթնացնեմ լուսաբացը+։
3 Պիտի գովերգեմ քեզ ժողովուրդների մեջ, ո՜վ Եհովա+,Պիտի սաղմոս երգեմ քեզ ազգությունների մեջ+,
4 Որովհետև քո սիրառատ բարությունը մեծ է, մինչև երկինք է հասնում+,Եվ քո ճշմարտությունը՝ մինչև ամպերը+։
5 Երկնքից վե՛ր բարձրացիր, ո՜վ Աստված+,Թող քո փառքը ամբողջ երկրի վրա լինի+։
6 Որպեսզի քո սիրելիներն ազատվեն+,Փրկի՛ր քո աջ ձեռքով և պատասխա՛ն տուր ինձ+։
7 Աստված խոսեց իր սրբության մեջ+.«Ես պիտի ցնծամ, Սյուքեմը+ որպես բաժին պիտի տամ+Եվ Սոկքոթի+ հարթավայրը պիտի չափեմ։
8 Իմն է Գաղաադը+, իմն է Մանասեն+,Եփրեմը ամրոցն է իմ առաջնորդի+,Հուդան իմ գավազանն է*+։
9 Մովաբը+ իմ լվացվելու ամանն է+։Եդոմի+ վրա կգցեմ իմ սանդալները+։Փղշտացիների+ երկրի վրա կբացականչեմ հաղթանակած»+։
10 Ո՞վ է տանելու ինձ բերդաքաղաքը+։Ո՞վ է առաջնորդելու ինձ մինչև Եդոմ+։
11 Մի՞թե ոչ դու, ո՛վ Աստված, որ մերժել ես մեզ+Եվ մեր զորքերի հետ դուրս չես գալիս իբրև Աստված+։
12 Օգնի՛ր մեզ, որ դուրս գանք նեղության միջից+,Քանի որ զուր է մարդուց սպասվող փրկությունը+։
13 Մենք Աստծուց ենք զորություն ստանալու+,Եվ նա ինքն է ոտնակոխ անելու մեր թշնամիներին+։
Ծանոթագրություններ
^ Տե՛ս 60։7-ի ծնթ.։
