Սաղմոս 22։1-31
Նվագավարին։ «Եղնիկը լուսաբացին»։ Դավթի երգը։
22 Աստվա՛ծ իմ, Աստվա՛ծ իմ, ինչո՞ւ ինձ թողեցիր+։Ինչո՞ւ ես քեզ հեռու պահում ինձ փրկելուց+Եվ իմ աղաղակի խոսքերը լսելուց+։
2 Ո՛վ իմ Աստված, կանչում եմ քեզ ցերեկը, և դու պատասխան չես տալիս+,Գիշերն էլ եմ կանչում և լուռ չեմ մնում+։
3 Բայց դու սուրբ ես+,Իսրայելի գովաբանության մեջ ես բնակվում+։
4 Քե՛զ վստահեցին մեր հայրերը+,Նրանք վստահեցին, և դու փրկեցիր նրանց+։
5 Քեզ աղաղակեցին+ և անվնաս մնացին+.Նրանք քեզ վստահեցին և չամաչեցին+։
6 Իսկ ես որդ+ եմ և ոչ թե մարդ,Մարդկանցից նախատված եմ և ժողովրդից՝ անարգված+։
7 Բոլոր ինձ տեսնողները ծաղրում են ինձ+,Բերանները լայն բաց են անում և գլուխները շարժում+՝ ասելով.
8 «Եհովային վստահեց+, թող Նա էլ փրկի նրան+։Թող ազատի նրան, եթե սիրելի է Նրա համար»+։
9 Դու հանեցիր ինձ որովայնից+,Իմ ապավենը եղար, երբ դեռ մորս կրծքի մոտ էի+։
10 Արգանդից ես քեզ եմ հանձնված+,Մորս որովայնից դու ես իմ Աստվածը+։
11 Հեռու մի՛ մնա ինձանից, քանի որ նեղությունը մոտ է+,Քանի որ ուրիշ օգնական չկա+։
12 Ցլերի բազմությունը շրջապատել է ինձ+.Բասանի ուժեղ ցլերը պաշարել են ինձ+։
13 Իրենց բերանները բացել են ինձ վրա+՝Բզկտող ու մռնչացող առյուծի նման+։
14 Ջրի նման թափվել եմ ես+,Եվ բոլոր ոսկորներս առանձնացել են իրարից+։Սիրտս դարձել է մոմի պես+Եվ հալվել է իմ որովայնում+։
15 Ուժս չորացել է կավե ամանի բեկորի նման+,Լեզուս քիմքիս է կպել+.Եվ դու ինձ մահվան փոշու մեջ ես դրել+։
16 Շները շրջապատել են ինձ+,Չարերի ժողովը պաշարել է ինձ+։Առյուծի նման պատառոտում են ձեռքերս ու ոտքերս+։
17 Բոլոր ոսկորներս+ կարող եմ համրել։Նրանք նայում են, իրենց աչքերը չեն հեռացնում ինձանից+։
18 Հանդերձներս բաժանում են իրար մեջ+Եվ հագուստիս վրա վիճակ են գցում+։
19 Բայց դու, ո՛վ Եհովա, հեռվում մի՛ մնա+։Ո՛վ իմ զորություն+, շտապիր ինձ օգնության հասնել+։
20 Ազատի՛ր իմ հոգին սրից+,Իմ միակ հոգին՝ շան ճանկերից+։
21 Փրկի՛ր ինձ առյուծի բերանից+Եվ պատասխանի՛ր ու ազատի՛ր ինձ վայրի ցլերի եղջյուրներից+։
22 Ես կհռչակեմ քո անունը +իմ եղբայրներին+,Ժողովի մեջ քեզ կգովաբանեմ+։
23 Ո՛վ Եհովայից վախեցողներ, գովաբանե՛ք նրան+։Ո՛վ Հակոբի բոլոր սերունդներ, փառաբանե՛ք նրան+։Վախեցե՛ք նրանից, ո՛վ Իսրայելի բոլոր սերունդներ+։
24 Որովհետև նա չարհամարհեց+Ու չզզվեց նեղության մեջ եղողի նեղությունից+Եվ իր երեսը չծածկեց նրանից+.Այլ երբ օգնության կանչեց նրան, նա լսեց+։
25 Քո արած գործերի համար կգովաբանեմ քեզ մեծ ժողովում+,Իմ խոստումները կկատարեմ նրանից վախեցողների առաջ+։
26 Հեզերը կուտեն ու կկշտանան+,Եհովային փնտրողները կգովաբանեն նրան+։Թող ձեր սրտերը ապրեն հավիտյան+։
27 Երկրի բոլոր ծայրերը կհիշեն ու հետ կդառնան դեպի Եհովան+,Եվ ազգերի բոլոր ընտանիքները կխոնարհվեն քո առաջ+։
28 Որովհետև Եհովայինն է թագավորությունը+,Եվ նա է տիրում ազգերի վրա+։
29 Երկրի բոլոր հղփացածները կուտեն ու կխոնարհվեն+,Նրա առաջ ծնկի կգան բոլոր հողը իջնողները+,Եվ ոչ ոք չի կարողանա իր հոգին կենդանի պահել+։
30 Սերունդը կծառայի նրան+։Եհովայի մասին կհռչակվի հաջորդ սերնդին+։
31 Կգան ու նրա արդարությունը կպատմեն+Այն ժողովրդին, որը ծնվելու է. կպատմեն այն մասին, որ Նա է արել սա+։
