Սաղմոս 41։1-13
Նվագավարին։ Դավթի երգը։
41 Երջանիկ է նա, ով հոգ է տանում խեղճի մասին+.Նեղության օրը Եհովան կփրկի նրան+։
2 Եհովան կպահպանի ու կենդանի կպահի նրան+։Երկրի վրա նա երջանիկ կանվանվի+,Եվ դու չես մատնի նրան իր թշնամիների կամքին+։
3 Եհովան կօգնի նրան հիվանդության մահճում+.Նրա ամբողջ անկողինը դու կփոխես իր հիվանդության ժամանակ+։
4 Ես ասացի. «Ո՛վ Եհովա, բարեհա՛ճ եղիր իմ հանդեպ+։Ապաքինի՛ր իմ հոգին, որովհետև ես մեղք եմ գործել քո դեմ»+։
5 Թշնամիներս չարակամությամբ ասում են իմ մասին+.«Ե՞րբ պիտի նա մեռնի, ու նրա անունը ջնջվի»։
6 Եվ եթե մեկը գա ինձ տեսնելու, նրա սիրտը ճիշտը չի խոսի+.Նա իր համար չար բաներ կհավաքի,Կգնա ու դրսում կպատմի այդ մասին+։
7 Բոլոր ինձ ատողները միավորվել են իմ դեմ ու իրար հետ իմ մասին են փսփսում+,Չարիք են նյութում իմ դեմ+՝ ասելով.
8 «Դժբախտություն* է թափվել նրա վրա+,Հիմա որ նա պառկել է, այլևս ոտքի չի կանգնի»+։
9 Նույնիսկ այն մարդը, ով ինձ հետ խաղաղության մեջ էր, ում ես վստահում էի+,Եվ ով իմ հացն էր ուտում+, իր գարշապարը բարձրացրեց իմ դեմ+։
10 Բայց դու, ո՛վ Եհովա, հաճությունդ ցույց տուր իմ հանդեպ ու ոտքի կանգնեցրու ինձ+,Որպեսզի կարողանամ նրանց հատուցել+։
11 Գիտեմ, որ դու հավանում ես ինձ,Որովհետև թշնամիս չի կարող հաղթանակած աղաղակել ինձ վրա+։
12 Իմ անարատության համար դու աջակցեցիր ինձ+,Եվ հավիտյան կկանգնեցնես ինձ քո երեսի առջև+։
13 Օրհնյա՜լ լինի Եհովան՝ Իսրայելի Աստվածը+,Հավիտենից մինչև հավիտյան+։Ամեն և ամեն+։
Ծանոթագրություններ
^ Բռց.՝ «անպիտան բան»։
