Սաղմոս 92։1-15
Սաղմոս։ Երգ։ Շաբաթ օրվա համար։
92 Բարի է շնորհակալություն հայտնել Եհովային+Եվ սաղմոս երգել քո անվանը, ո՜վ Բարձրյալ+,
2 Առավոտյան պատմել քո սիրառատ բարության մասին+Եվ գիշերը՝ քո հավատարմության մասին+
3 Տասնալար նվագարանով ու տավիղով+,Քնարի հնչեղ երաժշտությամբ+.
4 Որովհետև դու ուրախացնում ես ինձ քո գործերով, ո՜վ Եհովա,Քո ձեռքի գործերն ինձ ցնծություն են պատճառում+։
5 Որքա՜ն մեծ են քո գործերը, ո՛վ Եհովա+։Որչա՜փ խորն են քո մտքերը+։
6 Անխոհեմ մարդը չի կարող դրանք իմանալ+,Եվ հիմարը չի կարող դա հասկանալ+։
7 Թեև ամբարիշտները խոտի նման բուսնում են+,Եվ չարիք գործողները՝ ծաղկում,Միևնույնն է, նրանք հավերժ պիտի կործանվեն+։
8 Բայց դու, ո՛վ Եհովա, բարձունքում ես հավիտյան+։
9 Քո թշնամիները, ո՛վ Եհովա+,Ահա քո թշնամիները կվերանան+.Կցրվեն բոլոր նրանք, ովքեր չարիք են գործում+։
10 Բայց իմ եղջյուրը դու կբարձրացնես, ինչպես վայրի ցլինը+։Ես կօծվեմ թարմացնող յուղով+։
11 Աչքերս հաղթանակած կնայեն թշնամիներիս+,Ականջներս կլսեն իմ դեմ ելած չարագործների պարտության մասին։
12 Արդարը արմավենու պես կծաղկի+,Լիբանանի մայրու պես կմեծանա+։
13 Եհովայի տան մեջ տնկվածները+Եվ մեր Աստծու գավիթներում+ տնկվածները կծաղկեն։
14 Ալևորության ժամանակ էլ նրանք կփթթեն+,Պարարտ ու դալար կլինեն+,
15 Որպեսզի պատմեն, որ Եհովան ուղղամիտ է+։Նա իմ Վեմն է+, և անարդարություն չկա նրանում+։
