1 Թագավորներ 4։1-34
4 Սողոմոն թագավորը թագավորում էր ամբողջ Իսրայելի վրա+։
2 Սրանք էին նրա իշխանները+. Սադոկի+ որդի Ազարիան՝ քահանա,
3 Սիսայի որդիներ Ելիքորեփն ու Աքիան՝ քարտուղարներ+, Աքիլուդի որդի Հովսափատը+՝ արձանագրիչ,
4 Հովիադայի որդի Բանեան+՝ զորագլուխ+, Սադոկն ու Աբիաթարը+՝ քահանաներ,
5 Նաթանի+ որդի Ազարիան՝ գործավարների վերակացու, Նաթանի որդի Զաբուդը՝ քահանա, որը թագավորի ընկերն+ էր,
6 Աքիսարը՝ պալատի վերակացու, և Աբդայի որդի Ադոնիրամը+՝ հարկադիր աշխատողների+ վերակացու։
7 Սողոմոնը տասներկու գործավարներ ուներ ամբողջ Իսրայելում, որոնցից ամեն մեկը տարվա մեջ մեկ ամիս ուտելիք էր մատակարարում թագավորին ու նրա տանը+։
8 Այդ գործավարներն էին. Հուրի որդին՝ Եփրեմի լեռնային շրջանում+,
9 Դակարի որդին՝ Մաքասում, Սալաբիմում+, Բեթսամյուսում+ ու Ելոն-Բեթ-Անանում,
10 Եսեդի որդին՝ Արաբոթում (նրանն էին Սոքովն ու Օֆերի+ ամբողջ երկիրը),
11 Աբինադաբի որդին՝ Դորի+ ամբողջ բարձրավանդակում (Սողոմոնի դուստր Տաֆաթը դարձավ նրա կինը),
12 Աքիլուդի որդի Բաանան՝ Թանաքում+, Մեգիդոյում+ և ամբողջ Բեթ-Սեանում+, որը Սարթանի+ կողքին է՝ Հեզրայելից+ ներքև, Բեթ-Սեանից մինչև Աբել-Մաուլա+ և Հեկմամի+ շրջանը,
13 Գաբերի որդին՝ Ռամոթ-Գաղաադում+ (նրանն էին Մանասեի որդի Հայիրի+՝ վրաններից բաղկացած գյուղերը, որոնք Գաղաադում+ են, նաև Արգոբի+ շրջանը, որ Բասանում+ է, և վաթսուն մեծ պարսպապատ ու պղնձե նիգերով ամրացված քաղաքներ),
14 Ադդոյի որդի Աքինադաբը՝ Մանայիմում+,
15 Աքիմաասը՝ Նեփթաղիմում+ (սա էլ Սողոմոնի դուստր Բասեմաթին իր համար կին առավ)+,
16 Քուսի որդի Բաանան՝ Ասերում+ ու Բաալոթում,
17 Փարուայի որդի Հովսափատը՝ Իսաքարում+,
18 Էլայի որդի Սեմեին+՝ Բենիամինում+,
19 Ուրիի որդի Գաբերը՝ Գաղաադի+ երկրում, ամորհացիների+ Սեհոն+ թագավորի և Բասանի+ Օգ+ թագավորի երկրում։ Բոլոր գործավարների վրա, որոնք այդ երկրում էին, մեկ գործավար կար։
20 Հուդան և Իսրայելը ծովեզերքի ավազի չափ շատ+ էին. ուտում, խմում և ուրախանում էին+։
21 Սողոմոնը իշխում էր բոլոր թագավորությունների վրա՝ Գետից*+ մինչև փղշտացիների երկիրը և մինչև Եգիպտոսի սահմանը։ Նրանք ընծաներ էին բերում Սողոմոնին և ծառայում էին նրան իր կյանքի բոլոր օրերում+։
22 Սողոմոնի մեկ օրվա մթերքը կազմում էր երեսուն քոռ*+ բարձրորակ և վաթսուն քոռ սովորական ալյուր,
23 տասը գեր ցուլ, քսան ցուլ արոտավայրից և հարյուր ոչխար՝ չհաշված եղջերուները+, վիթերը+, այծյամներն ու պարարտ կկուները։
24 Նա իշխում էր Գետի+ այս կողմում եղող ամեն ինչի վրա՝ Թափսայից մինչև Գազա+, Գետի այս կողմում եղող բոլոր թագավորների վրա+։ Ամենուրեք՝ իրեն պատկանող բոլոր շրջաններում, խաղաղություն+ էր տիրում։
25 Սողոմոնի բոլոր օրերում Հուդան+ և Իսրայելը ապրում էին ապահովության մեջ+, ամեն մեկն իր որթատունկի և իր թզենու տակ+՝ Դանից մինչև Բերսաբեե+։
26 Սողոմոնն ուներ քառասուն հազար ախոռ իր կառքերի+ ձիերի+ համար և տասներկու հազար ձիավոր։
27 Այն գործավարները+՝ ամեն մեկը իր ամսին, ուտելիք էին մատակարարում Սողոմոն թագավորի և բոլոր նրանց համար, ովքեր ուտում էին նրա սեղանից։ Ոչ մի բանի պակասություն չկար։
28 Նրանք նաև գարի ու հարդ էին տանում ձիերի ու նժույգների+ համար, որտեղ որ դրանց անհրաժեշտությունը կար. ամեն մեկն անում էր իրեն հանձնարարվածի չափով+։
29 Աստված Սողոմոնին շատ իմաստություն+ ու հասկացողություն+ էր տալիս և լայնախոհ սիրտ+՝ ծովեզերքի ավազի պես+։
30 Սողոմոնի իմաստությունը բոլոր արևելցիների+ և եգիպտացիների+ ողջ իմաստությունից շատ ավելին էր+։
31 Նա ավելի իմաստուն էր, քան մնացած մարդիկ, քան Մավուլի որդիներ Եզրահյան Եթանը+, Եմանը+, Քալքոլը+ ու Դարդան, և նրա համբավը տարածվեց շրջակա բոլոր ազգերի մեջ+։
32 Սողոմոնը երեք հազար առակ+ խոսեց և հազար հինգ երգ+ հորինեց։
33 Նա խոսեց ծառերի մասին՝ Լիբանանի մայրուց+ մինչև պատի վրա աճող զոպան+, խոսեց գազանների+, թռչունների+, այլ կենդանիների*+ ու ձկների+ մասին։
34 Սողոմոնի իմաստությունը գալիս էին լսելու+ բոլոր ազգերի մարդկանցից, երկրի բոլոր թագավորներից, ովքեր լսել էին նրա իմաստության մասին+։
Ծանոթագրություններ
^ Այսինքն՝ Եփրատից։
