2 Թագավորներ 10։1-36
10 Աքաաբը յոթանասուն+ որդի ուներ Սամարիայում+։ Հեուն նամակներ գրեց և ուղարկեց Սամարիա՝ Հեզրայելի իշխաններին+, երեցներին+ ու Աքաաբի որդիների խնամակալներին՝ ասելով.
2 «Երբ այս նամակը հասնի ձեզ (ձեր տիրոջ որդիները ձեզ մոտ են, և դուք մարտակառքեր, ձիեր+, բերդաքաղաք ու զենքեր էլ ունեք),
3 տեսեք, թե ձեր տիրոջ որդիներից որն է ամենալավն ու արժանին, և նրան իր հոր գահին նստեցրեք+։ Հետո ձեր տիրոջ տան համար պատերազմեք»։
4 Բայց նրանք սաստիկ վախեցան ու ասացին. «Երկու թագավորներ+ չկարողացան նրա առաջ կանգնել, մե՞նք ինչպես պիտի կանգնենք»+։
5 Ուստի տան վերակացուն և քաղաքի վերակացուն, երեցներն ու խնամակալները+ մարդ ուղարկեցին Հեուի մոտ՝ ասելով. «Մենք քո ծառաներն ենք, և ինչ որ մեզ ասես, կանենք։ Ոչ մեկին թագավոր չենք դարձնի։ Արա այն, ինչ որ հաճելի է քո աչքին»։
6 Այդ ժամանակ նա երկրորդ նամակը գրեց. «Եթե դուք իմ կողմից եք+ և իմ ձայնին եք հնազանդվում, ուրեմն վերցրեք ձեր տիրոջ որդիների+ գլուխները և վաղն այս ժամին եկեք ինձ մոտ՝ Հեզրայել»+։
Թագավորի որդիները՝ յոթանասուն հոգի, քաղաքի նշանավոր մարդկանց հետ էին, որոնք իրենց դաստիարակում էին։
7 Երբ նամակը հասավ նրանց, բռնեցին թագավորի որդիներին ու յոթանասունին էլ մորթեցին+, որից հետո նրանց գլուխները դրեցին զամբյուղների մեջ և ուղարկեցին Հեուի մոտ՝ Հեզրայել։
8 Լրաբերը+ եկավ ու Հեուին հայտնեց. «Թագավորի որդիների գլուխներն+ են բերել»։ Նա էլ ասաց. «Դրանք դարպասի մուտքի մոտ երկու կույտ արեք և մինչև առավոտ թողեք այնտեղ»+։
9 Առավոտյան նա դուրս եկավ և ամբողջ ժողովրդի առաջ կանգնելով՝ ասաց. «Դուք արդար եք+։ Այդ ես եմ դավադրություն+ կազմակերպել իմ տիրոջ դեմ ու սպանել նրան+։ Բայց ո՞վ է սրանց բոլորին կոտորել։
10 Ուրեմն իմացե՛ք, որ Եհովայի ոչ մի խոսքը, որ Եհովան խոսել է Աքաաբի տան դեմ+, գետին չի ընկնի+, և որ Եհովան արեց այն, ինչ որ խոսել էր իր ծառա Եղիայի միջոցով»+։
11 Եվ Հեուն կոտորեց Հեզրայելում Աքաաբի տնից բոլոր մնացածներին, բոլոր նշանավոր մարդկանց+, նրա ծանոթներին ու քահանաներին+, այնպես որ ոչ մեկը կենդանի չմնաց+։
12 Դրանից հետո Հեուն վեր կացավ ու գնաց Սամարիա։ Ճանապարհին, երբ անցնում էր հովիվների տան մոտով, որտեղ ոչխարներին էին կապում,
13 հանդիպեց Հուդայի Օքոզիա+ թագավորի եղբայրներին+։ Նա հարցրեց նրանց. «Ովքե՞ր եք դուք»։ Նրանք պատասխանեցին. «Մենք Օքոզիայի եղբայրներն ենք և գնում ենք իմանալու, թե արդյոք ամեն ինչ կարգի՞ն է թագավորի ու թագուհու որդիների հետ»։
14 Հեուն հրամայեց. «Սրանց ողջ բռնեք»+։ Եվ նրանց բռնեցին ու քառասուներկու մարդու կոտորեցին հովիվների տան ջրամբարի մոտ. նրանցից ոչ մեկին նա ողջ չթողեց+։
15 Այդտեղից դուրս գալով՝ Հեուն հանդիպեց Ռեքաբի+ որդի Հովնադաբին+, որը նրան ընդառաջ էր գալիս։ Նա օրհնեց+ նրան ու հարցրեց. «Քո սիրտը ուղի՞ղ է ինձ հետ, ինչպես որ իմ սիրտն է ուղիղ քո սրտի հետ»+։
Հովնադաբը պատասխանեց՝ այո՛։
«Եթե այո, ձեռքդ տուր»։
Եվ նա ձեռքը տվեց։ Հեուն նրան կառք բարձրացրեց՝ իր մոտ+,
16 ու ասաց. «Եկ ինձ հետ ու կտեսնես, որ ես Եհովայի հետ ոչ մի մրցակցություն+ չեմ հանդուրժի»։ Եվ Հովնադաբը գնաց Հեուի հետ նրա մարտակառքով։
17 Ի վերջո, Հեուն եկավ Սամարիա և այնտեղ Աքաաբի տնից բոլոր մնացածներին կոտորեց, մինչև որ բոլորին բնաջինջ արեց+՝ Եհովայի այն խոսքի համաձայն, որ ասել էր Եղիային+։
18 Հետո Հեուն ամբողջ ժողովրդին մեկտեղ հավաքեց ու ասաց. «Աքաաբը քիչ բան է արել Բահաղին երկրպագելու համար+, իսկ Հեուն շատ պիտի անի։
19 Հիմա ինձ մոտ կանչեք Բահաղի բոլոր մարգարեներին+, բոլոր նրան երկրպագողներին+ ու նրա քահանաներին+։ Ոչ ոք չբացակայի, որովհետև մեծ զոհ ունեմ Բահաղի համար։ Ով որ չգա, ողջ չի մնա»։ Հեուն խորամանկություն արեց+, որպեսզի Բահաղին երկրպագողներին բնաջինջ անի։
20 Հեուն ասաց. «Հանդիսավոր հավաքույթ հայտարարեք Բահաղի համար»։ Եվ հայտարարեցին։
21 Դրանից հետո Հեուն մարդիկ ուղարկեց ողջ Իսրայելով մեկ+, և Բահաղին երկրպագող բոլոր մարդիկ հավաքվեցին։ Մեկը չկար, որ եկած չլիներ։ Նրանք մտան Բահաղի տուն+, և Բահաղի տունը ծայրեծայր լցվեց։
22 Նա կարգադրեց հանդերձարանի վերակացուին. «Հանդերձնե՛ր հանիր Բահաղին բոլոր երկրպագողների համար»։ Եվ նա նրանց համար հանդերձներ բերեց։
23 Հետո Հեուն Ռեքաբի որդի Հովնադաբի+ հետ մտավ Բահաղի տուն և Բահաղին երկրպագողներին ասաց. «Ստուգե՛ք և ուշադիր նայե՛ք, որ այստեղ ձեզ հետ Եհովային երկրպագողներից ոչ ոք չլինի, այլ միայն Բահաղին երկրպագողները լինեն»+։
24 Երբ նրանք մտան, որ զոհեր ու ողջակեզներ մատուցեն, Հեուն դրսում ութսուն մարդ կանգնեցրեց ու ասաց. «Եթե նրանցից մեկը, որոնց ձեր ձեռքն եմ մատնել, փախչի, ապա նրա հոգու դիմաց ձեր հոգով պիտի հատուցեք»+։
25 Ողջակեզը մատուցելուց անմիջապես հետո Հեուն հրամայեց սուրհանդակներին ու իր օգնականներին. «Մտե՛ք ու կոտորե՛ք նրանց։ Ո՛չ մեկին բաց չթողնեք»+։ Սուրհանդակներն ու օգնականները+ սրակոտոր արեցին նրանց, նրանց մարմինները դուրս շպրտեցին և հասան մինչև Բահաղի տան սրբարանը*։
26 Հետո Բահաղի տնից դուրս հանեցին սուրբ սյուներն+ ու այրեցին+։
27 Նաև կործանեցին Բահաղի սուրբ սյունը+, քանդեցին Բահաղի տունը+ և այն արտաքնոցներ+ դարձրին, որոնք այդպես են մնում մինչև այսօր։
28 Այսպիսով՝ Հեուն Իսրայելից բնաջինջ արեց Բահաղին։
29 Սակայն Հեուն հետ չկանգնեց Նաբատի որդի Հերոբովամի+ մեղքերին հետևելուց, որոնցով նա Իսրայելին էլ էր մեղք գործել տվել+, այսինքն՝ ոսկե հորթերին+ երկրպագելուց, որոնցից մեկը Բեթելում էր, իսկ մյուսը՝ Դանում+։
30 Եհովան ասաց Հեուին. «Քանի որ լավ վարվեցիր և արեցիր այն, ինչը ճիշտ է իմ աչքում+, և Աքաաբի տան հետ սրտումս եղածի համեմատ վարվեցիր+, քո որդիները մինչև չորրորդ սերունդը Իսրայելի գահի վրա պիտի նստեն»+։
31 Բայց Հեուն չզգուշացավ, որ ամբողջ սրտով Իսրայելի Աստված Եհովայի օրենքի մեջ քայլեր+։ Նա հետ չկանգնեց Հերոբովամի մեղքերից, որոնցով նա Իսրայելին էլ էր մեղք գործել տվել+։
32 Այդ օրերին Եհովան սկսեց Իսրայելից կտոր առ կտոր կտրել. Ազայելը+ հարվածեց իսրայելացիներին Իսրայելի բոլոր տարածքներում՝
33 Հորդանանից դեպի արևելք գտնվող Գաղաադի+ ամբողջ երկիրը, Գադի+, Ռուբենի+ ու Մանասեի+ երկրները՝ Արոերից+, որը Առնոնի գետահովտում է, մինչև Գաղաադ ու Բասան+։
34 Հեուի մնացած գործերի մասին, նրա բոլոր արածների և նրա ողջ զորության մասին գրված է Իսրայելի թագավորների գործերի գրքում+։
35 Ի վերջո, Հեուն ննջեց իր նախահայրերի հետ+, և նրան թաղեցին Սամարիայում, իսկ նրա փոխարեն սկսեց թագավորել նրա որդի Հովաքազը+։
36 Հեուն Սամարիայում Իսրայելի վրա թագավորեց քսանութ տարի։
Ծանոթագրություններ
^ Բառացի՝ «քաղաքը»։ Հվնբր ամրոցանման կառույց։
