2 Թագավորներ 15։1-38
15 Իսրայելի Հերոբովամ թագավորի քսանյոթերորդ տարում թագավոր դարձավ Հուդայի Ամասիա+ թագավորի որդի Ազարիան*+։
2 Տասնվեց տարեկան էր Ազարիան, երբ թագավոր դարձավ, և հիսուներկու տարի թագավորեց Երուսաղեմում+։ Նրա մոր անունն էր Հեքելիա, որը Երուսաղեմից էր։
3 Նա արեց այն, ինչը ճիշտ էր Եհովայի աչքում, և ամեն ինչում իր հայր Ամասիայի պես վարվեց+։
4 Միայն բարձունքները չվերացան+։ Ժողովուրդը առաջվա պես բարձունքների վրա զոհեր էր մատուցում և զոհերի ծուխն էր վեր հանում+։
5 Եհովան թագավորին բորոտությամբ հարվածեց+, և նա մինչև իր մահվան օրը բորոտ+ մնաց։ Այդ ամբողջ ընթացքում նա առանձին մի տան մեջ էր ապրում և ազատված էր պարտականություններից+, իսկ թագավորի որդի Հովաթամը+ ղեկավարում էր տունը և երկրի ժողովրդին էր դատում+։
6 Ազարիայի մնացած գործերի ու նրա բոլոր արածների մասին գրված է Հուդայի թագավորների գործերի գրքում+։
7 Ի վերջո, Ազարիան ննջեց իր նախահայրերի հետ+, և նրան թաղեցին իր նախահայրերի մոտ՝ Դավթի քաղաքում, իսկ նրա փոխարեն սկսեց թագավորել նրա որդի Հովաթամը+։
8 Հուդայի թագավոր Ազարիայի+ թագավորության երեսունութերորդ տարում Սամարիայում Իսրայելի վրա թագավոր դարձավ Հերոբովամի որդի Զաքարիան+ և թագավորեց վեց ամիս։
9 Նա չարիք գործեց Եհովայի աչքում, ինչպես որ իր հայրերը+, և չհեռացավ Նաբատի որդի Հերոբովամի մեղքերից+, որոնցով նա Իսրայելին էլ էր մեղք գործել տվել+։
10 Հաբիսի որդի Սեղումը նրա դեմ դավադրություն կազմակերպեց+, հարվածեց+ նրան Հեբլաամում+ ու սպանեց, և նրա փոխարեն ինքը սկսեց թագավորել։
11 Զաքարիայի մնացած գործերի մասին գրված է Իսրայելի թագավորների գործերի գրքում+։
12 Սա Եհովայի խոսքն էր+, որ ասել էր Հեուին+. «Քո որդիների+ մինչև չորրորդ սերունդը կնստի Իսրայելի գահի վրա»։ Եվ այդպես էլ եղավ+։
13 Հաբիսի որդի Սեղումը թագավոր դարձավ Հուդայի թագավոր Օզիայի+ թագավորության երեսունիններորդ տարում և մեկ լուսնային ամիս թագավորեց Սամարիայում+։
14 Գադիի որդի Մանայեմը+ Թերսայից+ եկավ, մտավ Սամարիա և Սամարիայում հարվածեց ու սպանեց Հաբիսի որդի Սեղումին+, իսկ նրա փոխարեն ինքը սկսեց թագավորել։
15 Սեղումի մնացած գործերի և նրա կազմակերպած դավադրության+ մասին գրված է Իսրայելի թագավորների գործերի գրքում։
16 Այդ ժամանակ Մանայեմը Թերսայից եկավ ու հարվածեց Թափսան և այն ամենը, որ նրանում էր, նաև նրա տարածքները։ Նա հարվածեց Թափսան, քանի որ նրա առաջ դարպասները բաց չէին արել, և այնտեղի բոլոր հղի կանանց պատռեց+։
17 Գադիի որդի Մանայեմը Իսրայելի վրա թագավոր դարձավ Հուդայի թագավոր Ազարիայի թագավորության երեսունիններորդ տարում+ և Սամարիայում թագավորեց տասը տարի։
18 Նա չարիք գործեց Եհովայի աչքում+ և իր բոլոր օրերում չհեռացավ Նաբատի որդի Հերոբովամի բոլոր մեղքերից+, որոնցով նա Իսրայելին էլ էր մեղք գործել տվել+։
19 Այն ժամանակ, երբ Ասորեստանի+ Փուլ+ թագավորը ներխուժեց երկիր, Մանայեմը հազար տաղանդ արծաթ+ տվեց+ Փուլին, որ օգնի իրեն թագավորությունն իր ձեռքում հաստատել+։
20 Այդ արծաթը Մանայեմը հավաքեց իսրայելացիներից՝ բոլոր հարուստ մարդկանցից+՝ ամեն մեկից հիսուն սիկղ, որպեսզի Ասորեստանի թագավորին տա։ Դրանից հետո Ասորեստանի թագավորը հետ դարձավ ու չմնաց այդ երկրում։
21 Մանայեմի+ մնացած գործերի ու նրա բոլոր արածների մասին գրված է Իսրայելի թագավորների գործերի գրքում+։
22 Ի վերջո, Մանայեմը ննջեց իր նախահայրերի հետ, իսկ նրա փոխարեն սկսեց թագավորել նրա որդի Փակեիան+։
23 Մանայեմի որդի Փակեիան Սամարիայում Իսրայելի վրա թագավոր դարձավ Հուդայի թագավոր Ազարիայի թագավորության հիսուներորդ տարում և թագավորեց երկու տարի+։
24 Նա չարիք գործեց Եհովայի աչքում+ և չհեռացավ Նաբատի որդի Հերոբովամի մեղքերից+, որոնցով նա Իսրայելին էլ էր մեղք գործել տվել+։
25 Այդ ժամանակ նրա օգնական+ Փակեեն+՝ Ռոմելիայի որդին, նրա դեմ դավադրություն կազմակերպեց+ և իր հետ Գաղաադի որդիներից հիսուն մարդ վերցնելով՝ արքունական տան բնակելի աշտարակի մեջ+՝ Սամարիայում, սպանեց նրան, նաև Արգոբին ու Արիեին և նրա փոխարեն ինքը սկսեց թագավորել։
26 Փակեիայի մնացած գործերի և նրա բոլոր արածների մասին գրված է Իսրայելի թագավորների գործերի գրքում+։
27 Ռոմելիայի+ որդի Փակեեն+ Սամարիայում Իսրայելի վրա թագավոր դարձավ Հուդայի Ազարիա թագավորի իշխանության հիսուներկուերորդ տարում և թագավորեց քսան տարի։
28 Նա չարիք գործեց Եհովայի աչքում+ և չհեռացավ Նաբատի որդի Հերոբովամի մեղքերից+, որոնցով նա Իսրայելին էլ էր մեղք գործել տվել+։
29 Իսրայելի թագավոր Փակեեի օրերում Ասորեստանի+ Թգլատպալասար+ թագավորը եկավ ու վերցրեց Իյոնը+, Աբել-Բեթմաաքան+, Հանոան, Կեդեսը+, Հասորը+, Գաղաադը+, Գալիլեան+, Նեփթաղիմի+ ամբողջ երկիրը և նրանց բնակիչներին գերի տարավ Ասորեստան+։
30 Էլայի որդի Օսեան+ դավադրություն կազմակերպեց+ Ռոմելիայի որդի Փակեեի դեմ։ Նա հարվածեց+ ու սպանեց նրան, և նրա փոխարեն ինքը սկսեց թագավորել։ Դա տեղի ունեցավ Օզիայի որդի Հովաթամի+ թագավորության քսաներորդ տարում։
31 Փակեեի մնացած գործերի և նրա բոլոր արածների մասին գրված է Իսրայելի թագավորների գործերի գրքում+։
32 Հուդայի Օզիա+ թագավորի որդի Հովաթամը+ թագավոր դարձավ Ռոմելիայի որդի՝ Իսրայելի թագավոր Փակեեի երկրորդ տարում։
33 Նա քսանհինգ տարեկան էր, երբ թագավոր դարձավ, և տասնվեց տարի թագավորեց Երուսաղեմում։ Նրա մոր անունն էր Հերուսա, որը Սադոկի դուստրն էր+։
34 Նա արեց այն, ինչը ճիշտ էր Եհովայի աչքում+, և ամեն ինչում վարվեց իր հայր Օզիայի պես+։
35 Միայն բարձունքները չվերացան։ Ժողովուրդը առաջվա պես բարձունքների վրա զոհեր էր մատուցում ու զոհերի ծուխն էր վեր հանում+։ Նա կառուցեց Եհովայի տան վերին դարպասը+։
36 Հովաթամի մնացած գործերի և նրա արածների մասին գրված է Հուդայի թագավորների գործերի գրքում+։
37 Այդ օրերին Եհովան Հուդայի դեմ ուղարկեց+ Ասորիքի Ռասին+ թագավորին և Ռոմելիայի որդի Փակեեին+։
38 Ի վերջո, Հովաթամը ննջեց իր նախահայրերի հետ, և նրան թաղեցին իր նախահայրերի մոտ՝ իր հայր Դավթի քաղաքում+, իսկ նրա փոխարեն սկսեց թագավորել նրա որդի Աքազը+։
Ծանոթագրություններ
^ Տե՛ս 14։21-ի ծնթ.։
